பா.ம.க பாமரன்

தமிழீழத்தின் மீதான ஒரு தலிபான் / அல்காய்தா / பாகிஸ்தானியின் பார்வை

2010-10-30T17:12:00.000+03:00

தமிழீழத்தின் மீதான ஒரு இசுலாமிய அடிப்படைவாதியின்(தலிபான் அல்லது அல்காய்தா அல்லது பாகிஸ்தானியின்) பார்வை

1 .புலிகள் இந்தியாவின் கைக்கூலிகள் .
2 .தமிழீழம் இந்தியாவின் ஆக்கிரமிப்பு வேலை .

3 .இந்துக்கள் இஸ்லாம் அல்லது புத்த மதத்தினரையும் அழிக்கநினைக்கும் அரசியல் போர்.
4 . இந்தியா புலிகளுக்கும் மற்றும் சிங்கள அரசுக்கும் ஆயுத உதவி அளித்து இலங்கை மக்களை ஒடுக்க (நினை)கிறது.

ஏற்புரை:இந்த முடிவுகள் இயங்கி கொண்டிருக்கும் ஒரு இசுலாமிய அடிப்படைவாதியின் அல்லது மதிய கிழக்கு நாடுகளின் பரப்புரையின்(அரசியல் நோக்கர்களின் ) முடிவுகள் மட்டுமே .இந்த பதிவரின் தனிப்பட்ட கருத்துகள் அல்லது முடிவுகள் அல்ல .
விழைவு :-ஒவ்வொரு மத்தியகிழக்கு வாழ் தமிழரும் இத்தகைய தவறான
பார்வைகளை களைய வேண்டியது அவர்களது கடமை என விழைவது யான்
நன்றி
சோழன்

நிகழரசியல் விடுகதை ??? 02.2010

2010-02-22T18:28:00.000+03:00

பதிவுலக பட்டறிவாளர்களே!! உங்களுக்கு ஒரு அரசியல் விடுகதை
பதிலிடுங்கள் பின்னுட்டத்தில் ,எங்கள் தலமைக்குழாம் சார்பில் உங்கள் பதிவுகளை பொன்னேட்டில் பதிக்க ஆவண செய்கிறேன்

களம் :தமிழரசியல் பிப்ரவரி 2010 வரை

கேள்வி :ஒன்று
கருவறுக்க காத்திருக்கும் பேய்காமன் யார் ?

௧.திருலங்கா
௨.நோண்டிய
௩.ச்சீனா
௪.ஒமேரிக்கா

கேள்வி :இரண்டு
அங்கே கடைசி கோவணத்துன்னடையும் ஆட்டையைப்போட துடிக்கும் நாட்டமை யாரார் ?

௧.திருலங்கா
௨.நொண்டியா
௩.டச்சீனா
௪.ஓமெரிக்கா

கேள்வி :மூன்று
வேலியில் போவதையெல்லாம் மடியில் விட்டுக்கொண்டு (வாரிசுகளுக்காக),தல கொதிக்க குருமாவை (விட்டு) கேட்பவன் யாரார் ?

௧.சாணக்கிய சொட்டையன்
௨.துணைபதி
௩.மொழகிரி
௪.கோமா.நாராயணன்

கேள்வி :நான்கு
வாங்கியதற்கு அதிகமாக கொதிக்கும் குருமா யார் ?
(சொட்டையன் சூத்திலே அடிச்சாலும் என்னை நல்லவேன்னு சொன்னான்டா ,ஊஉ ,,,,,, )
௧.தேறுமா
௨.டக்குவார் டங்கம்
௩.தன்னியரசு
௪.தல

ஒன்றுக்கு மேற்ப்பட்ட பதில்கள் பொருந்தி வருமாகில் அல்லது சீருக்கு பொருள் தெரியாவிட்டால்
நீங்கள் அரசு போட்டித்தேர்வு எழுத தகுதியற்றவர்
முற்றுணர்ந்த அறிஞர்களே நீங்கள் பின்னுட்டத்தில் பின்னி பெடலெடுக்கலாம் .

டிஸ்கி :உங்கள் பதிவுகளை பொன்னேட்டில் பதிக்க ஆவண செய்கிறேன் !!
இந்தப்போட்டியில் வரும் சொல்லாடல் அனைத்தும் எமது கற்பனையே
யாரையும் துன்புறுத்த அல்ல !!!!!!!!!

உலக தமிழ் செம்மொழி மாநாடு அழைப்பை பா.ம.க. ஏற்கிறது: ராமதாஸ்

2009-10-24T18:48:00.001+03:00

உலக தமிழ் செம்மொழி மாநாடு அழைப்பை பா.ம.க. ஏற்கிறது: ராமதாஸ்

உலக தமிழ் செம்மொழி மாநாட்டில் கலந்துகொள்வதற்கான அழைப்பை பா.ம.க. ஏற்றுக்கொள்கிறது என்று முதல்வர் கருணாநிதிக்கு பாமக நிறுவனர் ராமதாஸ் கடிதம் எழுதியுள்ளார்.

இது தொடர்பாக முதல்வர் கருணாநிதிக்கு ராமதாஸ் எழுதியுள்ள கடிதத்தில் கூறப்பட்டிருப்பதாவது,

2010 ம் ஆண்டு ஜுன் மாதம் 24 ந் தேதி முதல் 27 ந் தேதி வரையில் கோவை மாநகரில் நடைபெற உள்ள உலக தமிழ் செம்மொழி மாநாட்டில் கலந்து கொள்ளவேண்டும் என்றும், மாநாட்டிற்கென அமைக்கப்பட உள்ள குழுக்களில் பா.ம.க. சார்பாக பிரதிநிதி ஒருவர் இடம்பெற வேண்டும் என்றும் கேட்டு கடிதம் அனுப்பி வைத்துள்ளீர்கள்.

கட்சி வேறுபாடு இன்றி, தமிழ்மொழி வளர்ச்சி மற்றும் அதன் ஆக்கம் ஒன்றையே குறிக்கோளாக கொண்டு இந்த மாநாடு நடைபெறும் என்று உறுதியளித்து ஒத்துழைப்பை கோரியிருக்கிறீர்கள். உங்களது இந்த உறுதிமொழிக்கும், ஒத்துழைப்பு கேட்டு அழைப்பு விடுத்ததற்கும் முதலில் எனது நன்றியைத் தெரிவித்துக்கொள்கிறேன்.

1966 ம் ஆண்டு முதல் இதுவரை 8 முறை உலக தமிழ் மாநாடுகள் நடைபெற்றிருக்கின்றன. கோவையில் நடைபெறுகிற மாநாடு இந்த வரிசையில் இடம்பெறுமா? அல்லது உலக தமிழ் செம்மொழி மாநாடு என்பதால் தனித்து நிற்குமா? என்ற சர்ச்சையில் நுழைய விரும்பவில்லை.

எனினும், உலக உருண்டையில் ஒரு பகுதியில் உள்ள தமிழர்கள் சொல்லொணா துயரத்திற்கு ஆளாகியிருக்கும் நிலையில், தாய் தமிழகத்தில் கோலாகலமாக மாநாடு நடத்தப்படுவது தேவையா? கொஞ்சக்காலம் பொறுத்திருந்து இன்னும் சிறப்பாக நடத்தலாமே என்று எழுப்பப்படுகின்ற வாதத்தை எளிதில் தள்ளிவிட முடியாது என்பதை நினைவூட்டாமல் இருக்க முடியவில்லை.

எனினும் தமிழ், தமிழ் வளர்ச்சி தொடர்பாக இந்த மாநாடு நடத்தப்படுகிறது என்பதால் ஆறுதல் கொள்ளலாம். தமிழ் மொழி வளர்ச்சியில் அக்கறையுள்ள அனைவரும் அரசியல் வேறுபாடுகளை ஒதுக்கிவைத்துவிட்டு, இதுபோன்ற தமிழ் வளர்ச்சிக்கான மாநாடுகளில் கலந்து கொள்ள வேண்டும் என்பதில் மாற்றுக் கருத்துக்கு இடமில்லை.

அதே நேரத்தில், இத்தகைய மாநாடுகளினால் ஏற்படும் விளைவுகள் என்ன? மாநாடுகளை தொடர்ந்து மேற்கொள்ளப்பட வேண்டிய செயல் திட்டங்கள் என்ன? இதுவரையில் நடைபெற்றிருக்கும் மாநாடுகளில் மேற்கொள்ளப்பட்ட முடிவுகளின் அடிப்படையில் அவற்றிற்கான செயல்திட்டங்களை நிறைவேற்றுவதில் வெற்றி கண்டிருக்கிறோமா? என்பவை குறித்து சிந்தித்துப் பார்க்கக் கடமைப்பட்டிருக்கிறோம்.

தமிழ் ஆட்சிமொழி சட்டம் நிறைவேற்றப்பட்டு 53 ஆண்டுகள் கடந்துவிட்டன. அன்னை தமிழுக்கு அரியணையை அளிக்கும் பணியில் முழுமை அடைந்திருக்கிறோமா என்றால், இல்லை' என்று நீங்களும் ஒப்புக்கொள்ளுவீர்கள். இந்த மாநாட்டை முன்னின்று நடத்தும் தமிழ் அறிஞர்களும் ஒப்புக் கொள்வார்கள்.

தமிழ் வளர்ச்சிக்கான மாநாடுகள் எந்தப் பெயரில் நடந்தாலும், அதைத் தொடர்ந்து மேற்கொள்ளப்படும் செயல்திட்டங்கள் நிறைவேற்றி முடிக்கப்படவேண்டும். தமிழ்நாட்டில் தமிழ் ஆட்சி மொழி என்பது முழுமை பெறுவதும், தமிழ் பயிற்று மொழி என்பது நடைமுறைப்படுத்துவதும் தமிழ் மொழி வளர்ச்சியில் அழியாத அத்தியாயங்களாக இருக்கும் என்பதில் உங்களுக்கும், தமிழ் அறிஞர்களுக்கும் மாற்றுக் கருத்து இருக்க முடியாது.

வரும் கல்வியாண்டில் இருந்து சமச்சீர் கல்வி நடைமுறைப்படுத்தப்படும் என்று அறிவிக்கப்பட்டிருக்கிறது. தாய் மொழியான தமிழ் மட்டுமே அனைத்து கல்வி நிலையங்களிலும் பயிற்று மொழியாக இருந்தால் மட்டுமே சமச்சீர் கல்வி நிறைவடையும் என்பது, சமச்சீர் கல்வி குறித்து அரசுக்கு அறிக்கை அளித்திருக்கும் அறிஞர் குழுவினரின் ஒருமித்த கருத்தாகும். இந்த லட்சியத்தை படிப்படியாக எட்டலாம் என்பதை விட்டுவிட்டு, இனி தமிழகத்தில் எல்லா மட்டத்திலும் தமிழே பயிற்சி மொழியாக இருக்கும் என்று சட்டம் இயற்றி அறிவித்து நடைமுறைப்படுத்துங்கள்.

இந்த அவலநிலைகளை எல்லாம் உடனடியாக மாற்ற தமிழ் அறிஞர்களை கொண்ட குழுவினை அமைத்து ஒருசில வாரங்களில் கலந்தாய்வு செய்து தேவையான நடவடிக்கைகளை மேற்கொள்வதற்கு அவகாசம் இருக்கிறது. தமிழ் செம்மொழி மாநாடு நடைபெற இன்னும் 8 மாதங்கள் இருக்கின்றன. இந்த அவகாசத்தை பயன்படுத்தி தேவையான சட்டங்களையும், அரசாணைகளையும் வெளியிட்டு அனைத்து நிலையிலும் தமிழ்; அதுவும் கலப்படம் இல்லாத தமிழ் என்ற நிலையினை ஏற்படுத்துவதற்கான நடவடிக்கைகளை மேற்கொள்ளுங்கள். இம்முயற்சிக்கு எல்லா வகையிலும் ஒத்துழைப்புத் தருகிறோம்.

இத்தகைய நடவடிக்கைகளை எல்லாம் மேற்கொள்வீர்கள் என்ற உறுதியான நம்பிக்கையின் அடிப்படையில், கோவையில் நடைபெற இருக்கும் உலக தமிழ் செம்மொழி மாநாட்டில் பங்கேற்க வேண்டும் என்ற உங்களது அழைப்பை பா.ம.க. ஏற்றுக்கொள்கிறது. மாநாட்டையொட்டி அமைக்கப்படும் குழுக்களின் விவரங்களை தெரிந்து அதில், பா.ம.க. சார்பில் இடம்பெறும் பிரதிநிதியை உரிய நேரத்தில் அறிவிக்கிறோம். கோவையில் நடைபெறும் மாநாடு தமிழ் மொழியின் ஆக்கம், வளர்ச்சி தவிர அரசியல் உள்நோக்கம் ஏதுமில்லை என்று நீங்கள் வெளியிட்டிருக்கும் அறிவிப்பை வரவேற்கிறேன். மாநாட்டில் பங்கேற்க வேண்டும் என்ற உங்களது அழைப்புக்கு மீண்டும் நன்றி கூறி முடிக்கிறேன்.

இவ்வாறு கடிதத்தில் டாக்டர் ராமதாஸ் கூறியுள்ளார்.

ராஜபக்சேவை பழிவாங்காமல் விடமாட்டார்கள்: ராமதாஸ்

2009-10-13T18:27:00.001+03:00

ராஜபக்சேவை பழிவாங்காமல் விடமாட்டார்கள்: ராமதாஸ்

வன்னி வதை முகாம்களில் இருக்கும் ஈழத் தமிழர்களை விடுவிக்க வேண்டும் என்பதை வலியுறுத்தி சென்னை மயிலாப்பூரில் ஈழ தமிழர் பாதுகாப்பு இயக்கம் சார்பில் பொதுக்கூட்டம் நடந்தது.

இக்கூட்டத்திற்கு தலைமையேற்று பேசிய பாமக நிறுவனர் ராமதாஸ், ’’இலங்கை அகதிகள் முகாமில் அடைக்கப்பட்டுள்ள தமிழர்கள் நாங்கள் இறக்கப்போகிறோம் எங்களை விடுவியுங்கள் என்று அவர்களை பார்க்க சென்றவர்களிடம் கூறியிருக்கிறார்கள்.

இலங்கைக்கு பாமக, மதிமுக, கம்யூனிஸ்ட் கட்சிகளை சேர்ந்தவர்கள் போயிருந்தால் அந்த குரல்களை பதிவு செய்து சொல்வார்கள்.

முன்பைவிட இப்போது ஈழத் தமிழர்கள் வெகுண்டு எழுந்துள்ளார்கள். இலங்கை அதிபர் ராஜபக்சவை பழிவாங்காமல் விடமாட்டோம் என்ற நிலையில் உள்ளனர். என்ன பழி என்றால் தமிழ் ஈழம் மலர்வது தான். இதை நோக்கி தாய் தமிழர்களுடைய பயணம் இருக்க வேண்டும்.

நிச்சயமாக தமிழ் ஈழம் மலரத்தான் போகிறது. இலங்கை தமிழர்களுக்காக போராட்டம் இல்லையா என்று கேட்கிறார்கள். அந்தவகையில்தான் தொடர் முழக்க போராட்டம் செய்தோம்.

இதேபோல் தொடர்ந்து நம்முடைய பயணம் இருக்கும். இதை பற்றி இளைஞர்களுக்கு எடுத்துக் கூறுவோம்’’ என்றார் ராமதாஸ்.

கலைங்கனேன்ரோ! தலைவனேன்ரோ!

2009-06-17T17:43:00.002+03:00

இனி கலைஞர் என்றோ !!! , தலைவரேன்ரோ!!!
மனதில் வரிக்க போவதும்மில்லை ,நாவல் நவில போவதும்மில்லை
இந்த நக்கிபிழைக்கும் ஒட்டுண்ணி கூட்டத்தை (கழக குடும்பம் ).

எமது காலம் வெல்லும் வரை நடிக்கலாம் இந்தியானாக
இந்திய தாய்நாட்டில் உண்மையில்லை ,பிடிப்பு இல்லை
ஏனெனில் இந்த நரிகள் நடிகர்த்திலகமாக இருந்தாலும் .

போராடலாம் . அவர்கள் தான் மனிதர்களே இல்லையே .

விசக்கிருமியிடம் விடுதலை கேட்ட வெகுளிதமிழர்கலே!

வாடகைக்கு இந்தியனாக வாழாதே !!!

இது ஒரு இளைஞனின் உள்ளத்து குமுறல்

அம்மனிதனின் வாழ்க்கை குறிப்பில் ,,,,,,,,,,,,,

uudaka போர் - சன், கலைஞரை ஜெயித்தது மக்கள் தொலைக்காட்சி!

2009-05-14T14:48:00.000+03:00

போர் - சன், கலைஞரை ஜெயித்தது மக்கள் தொலைக்காட்சி!:

கலைஞருக்கு மட்டுமே தெரிந்த இரகசியங்கள்!

2009-05-12T17:05:00.000+03:00

1. கலைஞர் அய்யா ஸ்டாலினை மதுரை ஒருவர் கொல்லப் பாய்ந்தார், அதுனால ஸ்டாலின் அவர்களோட பாதுகாப்பு பூனைப்படை, ஆனைப்படையெல்லாம் போட்டீங்க சரி... அப்புறம் அந்த ஒருவரு என்ன ஆனாருங்க!. அவரைக் கண்டு பிடிக்கப் போட்ட போலீஸ் அதிகாரி என்ன ஆனாருங்க?.

2. அதே மதுரையில தினகரன் பத்திரிக்கைய யாரோ அடிச்சி நொறுக்கி தீ வெச்சாங்களே!. அதுலகூட ஒரு மூணு பேரு செத்தாங்களே. அதுக்கப்புறம்... அந்த பத்திரிக்கை ஆபீஸெ ஏன் நொறுக்குனாங்க, ஏன் அந்த மூணு பேரக் கொன்னாங்க அப்படின்னு நம்ம போலீசுகாரங்க கண்டு பிடிக்க ரொம்ப திணறுராங்கன்னு அனுதாபப் பட்டு சிபிஐ இதை விசாரிக்கட்டும்னு சொல்லி சிபிஐ கிட்ட ஒப்படைச்சீங்களே சிபிஐ காரங்க எதாவது கண்டுபிடிச்சி உங்கக்கிட்ட சொன்னாங்களா?

3. ஒகேனக்கல் பிரச்சனையில் முதுகெலும்பை முறிச்சாலும் விடமாட்டோமன்னு சொல்லி சில நடிகர்களோட முதுகையும், சில டைரக்டருங்க முதுகையும் கர்நாடகாப் பக்கம் போக விடாம நீங்க முறிச்சீங்களே!. அதுக்கப்புறம் கர்நாடகாவில எலக்‌ஷன் முடிஞ்சதும் ஒகேனக்கல் திட்டத்தை முடிப்போமுன்னு சொன்னீங்களே கர்நாடகாவில எலக்‌ஷன் முடிஞ்சி ஒரு வருஷம் ஆகப்போகுதே, இன்னும் எலக்‌ஷன் முடிஞ்ச தகவல் இன்னும் உங்களுக்குக் கிடைக்கலையா?

4. ஜனாதிபதி எலக்‌ஷனப்போ திருமதி.பிரதீபா பாட்டிலை நிறுத்த முடிவு செஞ்சப்போ, தமிழனான திரு.அப்துல் கலாமுக்கு ஆதரவு தராம இருக்க, பிரதீப் பாட்டீல் இன்ன இன்ன செய்வார் அப்படின்னு பட்டியல் போட்டீங்க. அதுல பிரதீப் பாட்டீல் ஜனதிபதியா ஆனா “மகளீர் இட ஒதுக்கீடு” மசோதாவிலதான் முதல் கையெழுத்து போடுவாருன்னு சொன்னீங்க. பிரதீப் பாட்டீல் இன்னும் முதல் கையெழுத்து போடலையா?. அதில எதாவது தகவல் உங்களுக்குத் தெரியுமா?

5. உங்க அமைச்சரவையில அமைச்சரா இருந்தாரே தா.கிருட்டிணன். அவரு கொலையில உங்க மகன் உட்பட பல பேர் குற்றவாளிகளா இருந்தாங்க. என்ன நடந்திச்சின்னு தெரியலைங்க. அதில யாருக்கும் சம்பந்தமில்லையன்னு எல்லோரும் விடுதலையாயிட்டாங்க. அப்போ தா.கிருட்டிணன் நடு ரோட்டில அரிவாளாலாலே தன்னைத் தானே வெட்டிக் கிட்டு தற்கொலை செஞ்சிக்கிட்டாராங்க?

5. ஸ்பெக்ட்ரம் ஊழல் பிரச்சனை முடிஞ்சு போன விஷயம் அப்படின்னு நீங்க சொன்னவுடனே பத்திரிக்கைகாரங்களும் நம்பிக்கிட்டு இப்போ அதைப் பத்தியெல்லாம் பேசறதே இல்லை. நிஜமாவே ஸ்பெக்ட்ரம் பிரச்சனை முடிஞ்சு போச்சா?. இவ்வளவு வேகமா பிரச்சனையை தீர்க்கிற நீங்க இலங்கைப் பிரச்சனையும் முடிஞ்சி போச்சு அப்படின்னு சொல்லிட்டா பத்திரிக்கைகாரங்க நம்ப மாட்டாங்களா?. ஏங்க இன்னும் சொல்லாம இருக்கீங்க?

6. அழகிரியும் முரசொலி மாறனுடைய மகன்களும் அடிச்சிக் கிட்டு இருந்தப்போ குடும்ப விஷயத்தைப் பக்கம்பக்கமா பத்திரிக்கையில கவிதையாவும், கட்டுரையாவும் அழுதுகிட்டும் மாறன் கும்பலை திட்டிகிட்டும் எழுதினீங்க, இப்போ அவங்க ரெண்டு பேரும் எந்த விஷயத்தால ஒண்ணு சேந்தாங்கன்னு ஏங்க எழுத மாட்டேங்கிறீங்க?

7. பூங்கோதை அப்படின்னு ஒரு அமைச்சர், வழக்கம் போல அவர் அமைச்சரின் அன்றாட பணியைச் செய்ததால நீக்கினீங்க. அவருடைய செயல் உங்களை மிகவும் அவமானப் படுத்துவதாகவும் சொன்னீங்க. திரும்பவும் உங்க அமைச்சரவையில சேர்த்துக் கிட்டு இருக்கீங்க்களே!. அவர் செஞ்ச செயலால உங்களுக்கு ஏற்பட்ட அவமானம் போயிடுச்சாங்களா?. அந்த அவமானத்தை கழுவ அவர் உபயோகிச்ச “சோப் ”என்னாங்க?

8. தமிழைச் செம்மொழியாக்குவோம் அப்படின்னு அடிக்கடி ஜனங்களை உசுப்பேத்துவீங்களே, இப்போ தமிழ் செம்மொழியாகி ரெண்டு, மூணு வருசமாயிடுச்சீங்களே. அதனால தமிழுக்கு என்ன நன்மை கிடைச்சதுன்னு இன்னிய வரைக்கும் யாருக்கும் தெரியலைங்க?. உங்களுக்கு எதாவது நன்மை கிடைச்சுதாங்களா?

9. முல்லைப் பெரியாறு, பாலாறுன்னு அடிக்கடி பேசுவீங்களே, இப்போ வாயையே நீங்க திறக்கரதில்லையே? ஏங்க!... பாலாற்றில ஆந்திர காங்கிரஸ் அரசு எல்லாத் தடுப்பணையையும் கட்டி முடிச்சப்புறம் தான் பேசுவீங்களா?

10. கடைசியா .. நீங்க சில விஷயத்துக்கு உயிரை கொடுக்கிறேன்னு சொல்லும் போது எனக்கே சிரிப்பாயிடுதுங்க. நீங்க உங்களோட அறிக்கையை எழுதும் போது நீங்க மட்டும் சிரிப்பீங்களா? அல்லது அதை நம்புற தமிழர்களை நினைச்சி உங்க வீடே சிரிப்பாச் சிரிக்குமா?

'''கலைஞர் இல்லை... கொலைஞர்" காடுவெட்டி குரு காரசார பேட்டி!

2009-05-10T16:29:00.004+03:00

நன்றி :தெனாலி

ஈழம் நேற்றும் இன்றும் எனும் மக்கள் தொலைகாட்சி தொடரில் தலைப்பு(title song) பாடல் –எழுதியவர் திரு.பச்சியப்பன்

2009-04-21T18:03:00.004+03:00

என் இனிய சொந்தங்களே ,வாழ்வது ஒருமுறை ,பாமக பாமரன் இத்துடன்தனது இயக்க பணிகளை மீளாத்துயரோடு நிறுத்திவிடுகிறேன் (பாமக களம் காணாமல் ,ஈழம் நோவதைக்கண்டு )

ஈழம் நேற்றும் இன்றும் எனும் மக்கள் தொலைகாட்சி தொடரில் தலைப்பு(title song) பாடல் –எழுதியவர் திரு.பச்சியப்பன்

தாயே என்ன பிழை செய்தோமடி தாயே
தாயே என்ன பிழை செய்தோமடி தாயே

வெடி விழுந்து எரிந்த பனை
கரை உடைந்து காய்ந்த குளம்
கூரை சரிந்த எமது இல்லம்
குருதி படிந்த சிறு முற்றம்

இரவை கிழித்த பெண்ணின் கதறல்
ரத்தம் வழிந்த குழந்தை பொம்மை
தேசம் பதுங்கு குழியின் உள்ளே
புதைய………………சம்மதமோ…………..

தாயே என்ன பிழை செய்தோமடி தாயே
தாயே என்ன பிழை செய்தோமடி தாயே

விளக்கேற்றிய மாடமெல்லாம்
வீழ்ந்து போனதோ…………..

ஊஞ்சலாடிய கம்பு இல்லை
நீந்தி பழகிய ஆறு இல்லை

என் தோப்பினுள் அலைந்த
பூங்குருவிகள் எங்கு போனதோ
என் தோட்டத்தில் ஈன்ற
தாய்பூனை என்ன ஆனதோ

முற்றம் தெளித்திட
விடியல் வருமோ
அர்த்த சாமத்தில்
வாழ்வு முடியுமோ

நன்றி திரு .மது

http://gkmadhu.blogspot.com/2009/02/title-song.html

குழலி பக்கங்கள்: நக்கிப்பிழைப்பவை நாய்கள்தான் போராளிகள் அல்ல!

2009-04-21T17:23:00.000+03:00

குழலி பக்கங்கள்: நக்கிப்பிழைப்பவை நாய்கள்தான் போராளிகள் அல்ல!

தி.மு.க., கூட்டணி தான் சந்தர்ப்பவாத கூட்டணி : ராமதாஸ் சொல்கிறார்

2009-04-21T10:13:00.005+03:00

சேலம் : ""கருணாநிதி அமைத்த கூட்டணி தான் சந்தர்ப்பவாத கூட்டணி,'' என சேலத்தில் பா.ம.க., நிறுவனர் ராமதாஸ் தெரிவித்தார்.

சேலத்தில் நேற்று பா.ம.க., நிறுவனர் ராமதாஸ் நிருபர்களிடம் கூறியதாவது: தமிழகத்தில் 1967ம் ஆண்டு தேர்தலில் கூட்டணி ஆரம்பித்தது. காங்.,குக்கு எதிராக தி.மு.க., தலைமையில் அமைத்த கூட்டணி அது. முதல் கூட்டணியே கொள்கை அடிப்படையில் அமைந்தது அல்ல. இதை பின்பற்றி தான், அடுத்தடுத்து வந்த தேர்தல்களில் கொள்கை முரண்பாடு கொண்ட கட்சிகளும் தொகுதி உடன்பாட்டின் அடிப்படையில் ஒரே கூட்டணியில் இடம் பெற்றன.இப்படி கொள்கையில் முரண்பாடு கொண்ட கட்சிகள் தொகுதி உடன்பாட்டின் கீழ் ஓர் அணியில் இணைந்து போட்டியிடுவது தவறில்லை என்று தி.மு.க., தலைவர் கருணாநிதி பலமுறை கூறி வந்துள்ளார். அண்ணாதுரையின் கருத்தைக் கூட கருணாநிதி மறந்து விட்டு, ஏற்கனவே அவர் தெரிவித்துள்ளதையும் மறந்து விட்டு, இன்று தேர்தல் பயம் காரணமாக அ.தி.மு.க., கூட்டணி முரண்பாடான கூட்டணி என முத்திரை குத்தப் பார்க்கிறார்.
சேது சமுத்திர திட்டத்தில் அ.தி.மு.க.,வின் நிலைப்பாடு வேறு, பா.ம.க., - ம.தி.மு.க.,வின் நிலைப்பாடு வேறு. விடுதலைப் புலித் தலைவர் பிரபாகரன் குறித்து அ.தி.மு.க., நிலைப்பாடு வேறு, பா.ம.க., - ம.தி.மு.க., நிலைப்பாடு வேறு. அதனால், அ.தி.மு.க., கூட்டணியில் குழப்பத்தை ஏற்படுத்த முயற்சி செய்கிறார். நாள்தோறும் தூங்காமல் எழுதுகிறார், பேசுகிறார்.தன்னைப் பற்றி மட்டும் மறந்து விடுகிறார். தன் கண்ணில் பெரிய உத்திரம் இருப்பதை மறந்து விட்டு, மற்றவர் கண்ணில் துரும்பு இருப்பதாகக் கூறி வருகிறார். கொள்கை மாறுபட்ட கட்சியுடன் தி.மு.க., அணி சேர்ந்தால் அதற்கு ஒரு விளக்கம் சொல்கிறார். ஆனால், அதே ரீதியில் மற்றவர்கள் சேர்ந்தால் குறை கூறுகிறார். இது தான் கருணாநிதியின் பாணி.

தி.மு.க.,வும், காங்.,கும் ஒரே அணியில் இருப்பது 100க்கு 100 உடன்பாடு இல்லை. தி.மு.க.,வின் லட்சியத்தையும், கொள்கையையும் காங்கிரஸ் அப்படியே ஏற்றுக் கொள்கிறதா? காங்கிரசின் கொள்கை, லட்சியத்தை தி.மு.க., ஏற்றுக் கொள்கிறதா? தொலைக்காட்சிக்கு அளித்த பேட்டியில் கூறியகருத்துக்கு இன்று (நேற்று) மறுப்பு தெரிவித்துள்ளார் கருணாநிதி. எனவே, முரண்பாடான, சந்தர்ப்பவாத கூட்டணி என்று சொல்ல வேண்டுமானால் தி.மு.க., கூட்டணியைத் தான் சொல்ல வேண்டும்.இவ்வாறு ராமதாஸ் கூறினார்.

பாமக இருப்பதுதான் வெற்றிக் கூட்டணி..

2009-04-20T11:56:00.001+03:00

ஏப்ரல் 05,2009,09:33 IST

' பாமக இருப்பதுதான் வெற்றிக் கூட்டணி...''- இதுதான் டாக்டர் ராமதாஸின் தேர்தல் கால கோஷம்

ஆனால், இந்தத் தேர்தலில்... மதிமுகவும், மார்க்சிஸ்ட்டும் தொகுதிப் பங்கீட்டில் அதிமுகவுடன் ''டூ'' விட்டுக் கொண்டிருக்கும் நிலையில், டாக்டரின் வாக்கு பலிக்குமா? தைலாபுரத்தில் இருந்த அவரிடமே சில கேள்விகளை முன் வைத்தோம்..

' அதிமுக கூட்டணியில் மதிமுக மற்றும் மார்க்சிஸ்ட் தொகுதிப் பங்கீட்டில் சிக்கல் என்று செய்திகள் வருகிறதே ?''

'' கேரளாவில் இந்திய கம்யூனிஸ்ட்டுக்கும், மார்க்சிஸ்ட்டுக்கும் ஒரேயொரு தொகுதிப் பங்கீடு,பெரும் சிக்கலில் இருந்தது. அந்த ஒரு தொகுதியால் அந்த இரண்டு இயக்கங்களின் கூட்டணியே முறிந்து விட்டது என்று செய்திகள் வந்தன. ஆனால், அந்த இயக்கங்களின் மேலிடத் தலைவர்கள் <உட்கார்ந்து பேசிச் சரி செய்தார்கள். அதுபோலவே எங்கள் கூட்டணியில் இருக்கும் தொகுதிப் பங்கீட்டுச் சிக்கலை, எங்கள் கூட்டணித் தலைவர் சரி செய்வார். எழுதி வைத்துக்கொள்ளுங்கள், நாற்பதும் எங்கள் கையில்தான் !''

' அதிமுக கூட்டணிக்குள் புதிதாகப் போன வேகத்திலேயே தேவையான தொகுதிகளைப் பெற்று, வேட்பாளர்களையும் அறிவித்து விட்டீர்கள் ! உங்கள் வருகைதான் மதிமுவை அந்தரத்தில் விட்டுவிட்டதாகப் பேசப்படுகிறதே ?''

'' தேர்தல் காலங்களில் கூட்டணிக் கட்சிகளுக்குள் தொகுதிப் பங்கீடு ஒரே சுற்றுப் பேச்சு வார்த்தையில் முடிந்து விடாது. தொடர்ந்து பேசித்தான் முடிவுக்குக் கொண்டு வர வேண்டும். நாங்கள் கேட்ட தொகுதிகளை அதிமுக தந்து விட்டது என்று சொல்ல முடியாது. சிலவற்றை விட்டுக்கொடுத்துதான் தொகுதிகளைப் பெற்றிருக்கிறோம். எங்கள் கட்சியை அதிமுக கூட்டணியில் இருக்கும் மற்ற கட்சிகளுடன் மோதவிட, உளவுத்துறை தனது திருப்பணியை ஆரம்பித்திருக்கிறது. அதை எங்கள் கட்சித் தோழர்கள் நம்ப மாட்டார்கள். பாமகவுக்கும், அதிமுகவுக்கும் ஏற்பட்டிருப்பது இயற்கையான கூட்டணி !

நாங்கள் கூட்டணிக்குள் வருவதற்கு முன்பே மதிமுகவுடன் இணைந்து பல போராட்டங்களை நடத்தியுள்ளோம். அந்தத்தோழமைதான் எங்களை ஓரணியில் சேர்த்தது. வைகோ மனம் புண்படும்படியாக எதுவும் நடக்காது. எங்கள் கூட்டணிக்குள் பெரும் புயல் வீசுவதாக எண்ணி, கலைஞர் இரண்டு மூன்று நாட்களுக்கு அற்ப சந்தோஷம் அடைந்துகொள்ளலாம். பாவம், இந்தத்தேர்தலில் அவர் அணிக்கு ஒரு தொகுதிகூட கிடைக்காது. குறைந்த பட்சம் இந்த அற்ப சந்தோஷமாவது மிஞ்சட்டுமே !''

'' தேர்தலுக்குப் பிறகு அதிமுகவுடன் நீங்கள் காங்கிரஸ் கூட்டணிக்கு மீண்டும் போகப் போவதாகவும், அதனால் காங்கிரஸை விமர்சிக்கும் பேச்சுக்கள் உங்கள் கூட்டணி மேடைகளில் இருக்காது என்றும் வரும் செய்திகள் பற்றி ?''

'' இந்தத் தேர்தலில் ஈழப் பிரச்னை, பிரதான பங்கு வகிக்கும். குறிப்பாக, ஈழத் தமிழர்களுக்காகக் கலைஞர் செய்த துரோகம் எங்கள் மேடைகளில் ஓங்கி ஒலிக்கும். ஈழப்பிரச்னை பற்றி எங்கள் கட்சித் தலைவர்கள் பேசிய கூட்டங்களில், கட்சி பேதமின்றி இளைஞர்கள் பெரும் திரளாகத் திரண்டார்கள் !

தூத்துக்குடியில் நடைபெற்ற கூட்டத்தில் பங்கேற்க நானும் வைகோவும் சென்றபோது பாமக., மதிமுக தொண்டர்கள் எங்களை வரவேற்று பிரம்மாண்டமான நுழைவு வாயில்களை வைத்திருந்தார்கள். திமுகவைப் பற்றி பேசுவதற்கே எங்கள் மேடைகளில் நேரம் போதாது. 77-ம் வருடம் நாடெங்கும் நெருக்கடி நிலை பிரதானமான பிரச்சாரமாக அமைந்தது. தேர்தல்முடிந்து, நாற்பது எம்.பி.க்களை கையில் வைத்திருக்கப்போகும் எங்கள் கூட்டணி ஆதரிக்கும் கட்சியில்தான் மத்தியில் ஆட்சியமைக்க முடியும் ! அந்த வகையில், எங்கள் கூட்டணியின் தலைவர் என்ன சொல்கிறாரோ, அதன்படிதான் நாங்கள் செயல்படுவோம்.''

'' எட்டு வருடங்களுக்குப் பிறகு ஜெயலலிதாவை சந்தித்திருக்கிறீர்கள் ! எப்படியிருக்கிறது அவருடைய அணுகு முறை ?''

''அன்புச் சகோதரியை சந்தித்தது, மகிழ்ச்சியான தருணம். 45 நிமிடங்கள் அரசியல் நிலவரம், சமூகப்பிரச்னைகள் குறித்துப் பேசினோம்.ஈழத்தமிழர்கள் பற்றித்தான் அவர் நிறைய நேரம் பேசினார். அந்தப் பேச்சில், கலைஞரைப் போல எதுகை-மோனை வசனம் எல்லாம் இல்லை. உண்மையான இரக்கம் இருந்தது. அவரிடம் நிறைய மாற்றங்கள் தெரிந்தன !''

'' நீங்கள் போட்டியிடும் தொகுதிகளில் உங்கள் வேட்பாளர்களைத் தோற்கடிக்க , திமுக அமைச்சர்களும் மாவட்டச் செயலாளர்களும் சபதம் போட்டிருக்கிறார்களாமே ?''

'' இதில் என்ன வியப்பு இருக்கிறது ! நாங்கள் திமுக-வோடு கூட்டணி வைத்திருந்தபோதும் அதைத்தானே செய்தார்கள். அதையும் தாண்டித் தானே எங்கள் வேட்பாளர்கள் வெற்றி பெற்றார்கள் ! பணமும், பலமும் அவர்களிடம் இருக்கிறது ! அதை வைத்து எதையும் செய்வார்கள், எப்படியும் செய்தி பரப்புவார்கள் ! ஆனால், மக்கள் நம்ப மாட்டார்கள் !''

''புதியவர்களுக்கு வாய்ப்பளிக்காமல் பழைய எம்.பி.களுக்கே திரும்பவும் ஸீட் கொடுத்திருக்கிறீர்களே ?''

எங்கள் எம்.பி.க்கள் எல்லோருமே பிரதமராலும், சோனியா காந்தியாலும், சபாநாயகராலும் பாராட்டப் பெற்றவர்கள். தொகுதி மக்களாலும் பாராட்டைப் பெற்றவர்கள். அதெல்லாம் நாடாளுமன்றக் குறிப்பிலேயே இடம் பெற்றிருக்கிறது. நான் சில இளைஞர்களை தேர்ந்தெடுத்து அவர்களுக்கு அரசியல் பயிற்சி கொடுத்து, லண்டனில் இருக்கும் '' எகனாமிக் ஸ்கூல்'' மற்றும் ஹார்வர்ட் பல்கலைகழகத்துக்குப் பயிற்சிக்கு அனுப்பி வைத்தேன். அங்கே அவர்கள் பயிற்சியை முடித்துவிட்டு, அடுத்த கட்டப் பயிற்சிகளில் ஈடுபட்டிருக்கிறார்கள். அவர்கள்தான் 2011 சட்டமன்றத் தேர்தலில் எங்கள் ஸ்டார் வேட்பாளர்கள் !''

'' உங்கள் அன்புத் தம்பி திருமாவளவன், சிதம்பரத்தில் உங்கள் கட்சியை எதிர்த்து களம் காண்கிறாரே? ''

''வட மாவட்டங்களில் அண்மைக் காலமாக எந்த மோதலும், கலவரமும் இல்லாத ஒரு சூழ்நிலையை நானும் அவரும் சேர்ந்து ஏற்படுத்தினோம். இணைந்திருந்த எங்கள் கைகளை, கலைஞர் சூழ்ச்சி செய்து பிரித்து விட்டார். நான் தம்பியை எங்கள் கூட்டணிக்கு வருமாறு அழைத்தேன். அவரும் வந்து பேசினார். நான்கு முறை தனியாகப் பேசினோம். எந்த உடன்பாடும் வரவில்லை. பிறகு ஸ்டாலின் அனுப்பி வைத்ததாக என்னை திருமாவும், சட்டமன்ற உறுப்பினர் ரவிக்குமாரும் சந்தித்தார்கள். நான் அவர்களிடம், ''எங்களைக் கூட்டணியில் இடம்பெறச் செய்ய, திமுக தரப்பிலிருந்து ஒரு மாவட்டச் செயலாளர்கூட என்னை அழைக்கவில்லை ! நீங்கள் நட்பின் அடிப்படையில் அழைக்கிறீர்கள் ! நட்பு வேறு., அரசியல் வேறு...'' என்று சொல்லி விட்டேன். அதன்பிறகு வேலூரில் நான், வைகோ,நெடுமாறன், மகேந்திரன் அனைவரும் திருமாவளவனிடம் பேசினோம். ''சரி., உங்கள் கூட்டணியில் இருக்கிறேன்...'' என்று திருமாவளவன் சொன்னார்.

அப்படிச் சொன்னவர், சிறுத்தைகளின் செயற்குழுவைக் கூட்டி முடித்த பிறகு என்னிடம் பேசினார். அப்போது, ''நம்முடைய இயக்கத்தில் பலர் மீது தேசிய பாதுகாப்பு சட்டத்தை பாய்ச்சியிருக்கிறது திமுக அரசு. அதனால், நூற்றுக்கு நூறு சதவிகிதம் திமுக-வில் இருக்கக்கூடாது என்று என் தோழர்கள் சொன்னார்கள். இருந்தாலும், நான்தான் ஒன்றரை மணிநேரம் பேசி அவர்களை திமுக கூட்டணியில் இருக்க சம்மதிக்க வைத்தேன் !'' என்று சொன்னார். எதனால் இந்த மாற்றம் என்று புரியவில்லை ! தம்பிக்கு என்ன நெருக்கடி என்றும் தெரியவில்லை ! ஆனால், நட்புக்காக நான் கூட்டணி தர்மத்தை விட்டுக்கொடுக்க முடியாது ! சிதம்பரத்தில் திருமாவளவன் போட்டியிட்டால், நாங்கள் அவரை ஜெயிக்க விடமாட்டோ

-ஜூனியர் விகடன் ( 08- 04- 2009)

அழகிரியும் ஜே.கே.ரித்தீஷும் எனக்கு வராத லெக்பீஸும்

2009-04-19T18:34:00.002+03:00

உடன்பிறப்பே..

நமது சாம்ராட் கலைஞர் ஒரு வழியாக தனது வேட்பாளர் பட்டியலை அறிவித்து விட்டார். என்னே விந்தை இம்முறையும் மத்திய சென்னையில் எதிர்பார்த்தது போலவே தயாநிதியும் மதுரையில் மு.க.அழகிரியும் போட்டியிடுகின்றனர். அதிலும் நமது மதுரை மாமன்னர் மு.க.அழகிரி அவர்கள் அடுத்த திருமலைநாயக்கராய் ஆக எல்லாம் வல்ல இறைவனை வேண்டுகிறேன். அவரது மகனும் மகளும் இன்னும் அவர்தம் தந்தையைப்போல வெற்றிகள் பல பெற்று மன்னருக்கேற்ற இளவரசனாய் இளவரசியாய் மதுரையை ஆட்சி புரிவதை கண்ட பின்னேதான் நம் உடன்பிறப்பின் உயிர் பிரியவேண்டும். உயிர்பிரியும் வரை வாயில் விரலும் நெஞ்சில் கழகத்தின் கொள்கையுமாய் நீ சாவதை காணவேண்டும் என் உடன்பிறப்பே.

ஒரு பர்சனல் வேண்டுதலும் சேர்த்துக்கொள்வோம் உடன்பிறப்பே!... ஆண்டவா அடுத்து வரும் ஜென்மத்திலாவது கலைஞர் குடும்பத்தில் பிறந்து திமுகவில் கூட உறுப்பினர் ஆகாமல் எம்.எல்.ஏ அல்லது எம்.பியாக அருள்புரியவேண்டும். திமுகவில் மிகச்சிறந்த தொண்டர்கள் இருந்தாலும் பாராளுமன்றத் தேர்தலில் போட்டியிடும் தகுதி கலைஞர் குடும்பத்தில் பிறந்த கண்மணிகளுக்கே உண்டென கலைஞரின் நானுற்று இருபத்தைந்தாவது ஒன்று விட்ட இரண்டாவது மருமகனின் நான்கவது மகனின் மூன்றாவது மகளின் கருவில் இருக்கும் குழந்தைக்கு கூட தெரியுமே.

தற்சமயம் வெளியாகியிருக்கும் வேட்பாளர் பட்டியலும் அதை மீண்டும் ஒரு முறை நிரூபித்துக்காட்டிவிட்டது. இது தவிர சிரிபெரும்புதூர் தொகுதியில் டி.ஆர்.பாலு என்கிற மிக நேர்மையான,பாசாங்கில்லாத நல்லவர் போட்டியிடுகிறாராம். நீலகிரி தொகுதியில் ஆ.ராசா போட்டியிடுகிறார். நெப்போலியன் கூட எங்கோ போட்டியிடுகிறாராம். என்னது நெப்போலியன் யார்னே தெரியாதா... மக்களே சில வருஷங்களுக்கு முன்னால ... இப்ப ஞாபகம் வந்திருக்குமே.. அவர்தான். நிறைய பணமிருப்பவர்களும் போட்டியிட தகுதியுடையவர்கள் என்பது திமுகவில் புதிய விதிமுறை போல.

இதற்கெல்லாம் மேல் மணிமகுடமாய் பதிவுலக பேமஸ்,வடபழனி ஆட்டோ பேமஸ், நாயகன் பட பேமஸ் அரைசென்னை அதிபர் அண்ணன் ஜே.கே.ஆர் என்கிற ஒரு சிங்கமும் திமுகவின் வேட்பாளார் பட்டியலில் இடம் பெற்று தனது அரசியல் வாழ்க்கையை துவங்குகிறது. அந்த சிங்கம் மட்டும் எம்.பி ஆகட்டும் மவனுங்களா பதிவுலகில் அண்ணனை அசிங்கப்படுத்தி அவர் புகழ்ப்பரப்பும் அனைவருக்கும் தனது நாயகன் மற்றும் கானல்நீர் படங்களின் ஒரிஜினல் விசிடியும் , ஒரு லிட்டர் விஷமும் தரப்படும். உங்களது உயிர் விசிடி கவரைப்பார்த்தே பிரிந்து போனால் கம்பேனி அதற்கு பொறுப்பாகாது.

ராமதாசு எனும் துரோகியை நினைத்து வருந்த வேண்டாம் உடன்பிறப்பே! திமுகவின் இந்த வேட்பாளர் பட்டியலே டெரராக இருக்கிறதே. எல்லாருமே வெற்றிபெறும் அல்லது வெற்றியை வலிந்து பெறும் வேட்பாளராக தெரிகிறார்கள். உதாரணம் அழகிரி மற்றும் ரித்திஷ்

இருவருக்கும் நிறைய ஒற்றுமைகள் உண்டு. இருவருமே திடீரென எங்கிருந்தோ முளைத்தவர்கள். ஒரு நாளும் திமுகவின் போராட்டங்களில் ( அப்படி ஏதேனும் கடந்த பதினைந்து ஆண்டுகளில் நடத்தியிருந்தால்) கலந்து கொள்ளாதவர்கள். கழகத்தின் வளர்ச்சிக்காய் தன் உயிர்தவிர வேறு எவர் உயிர் வேண்டுமானாலும் எடுக்கத் தயங்காத கண்மணிகளடா அவர்கள்... நிறைய பணத்துடன் ஒரு ஏரியாவையே கட்டுப்பாட்டில் வைத்திருப்பவர்கள். நிறைய அடியாட்களுடன் சுற்றுபவர்கள். டாடா சுமோ ரவுடிகள் போல் அல்லாமல் ஸ்கார்ப்பியோவில் சுற்றிவரும் பாரியும் ஓரியுமடா அவர்கள்!தேர்தலையும் தன் பிறந்தநாளையும் ஒரே மாதிரி கொண்டாடுபவர்கள். ஊருக்கே பிரியாணி போட்டு நிறைய லெக்பீசும் போடுகிறவர்கள் . என்ன ஒரே வித்தியாசம் என்றால் ரித்திஷ் முக.வின் மகன் அல்ல. அவரது பிரியாணியில் கிடப்பது லெக்பீஸும் அல்ல.

ரித்திஷ் என் தொகுதியில் போட்டியிடவில்லையே என வருந்தவைக்கும் அளவுக்கு தொகுதி மக்களுக்கு '' நிறைய '' செய்கின்ற நம் கழகத்தின் அருமையான கலங்கரை விளக்கமடா நம் தம்பி ரித்தீசு . தனக்கு ஓட்டுப்போடும் முதல் நபருக்கு வாட்ச்சும் இரண்டாவது ஆளுக்கு மோதிரமும் தந்தாலும் ஆச்சர்யப்படுவதற்கில்லை அத்தனை தயாள மனம் படைத்த வள்ளலடா நம் தளபதி ரித்தீசு.

அது தவிர மூன்று வேளை பிரியாணி, மாதம் 2000 ரூபாய், குவாட்டர் இத்தனையும் ரித்திஷாலும் அழகிரியாலுமே தர இயலும். பாரடா என் கண்மணியே இன்னும் சில மாதங்களில் எப்படி இருந்த தமிழ்நாடு எப்படி ஆகப்போகிறதென! இத்தகைய தலைவர்களை தமிழ்நாடு பெற்றதே நமக்கு பெருமை இல்லையா? தன் பிறந்தநாளுக்கு தனக்குத்தானே போஸ்டர் அடித்துக்கொள்ளும் கலாச்சாரத்தை துவங்கி வைத்த பெருமை இவர்களுக்கே சாரும். அதிலும் இருவரும் எம்பியாக மட்டும் ஆகிவிட்டால்.. தென்னகத்து ஓபாமாவே,இந்தியாவின் சேகுவாராவே, வாழும் வள்ளுவரே, நீ சிரித்தால் தீபாவளி , நீ ஆய் போனால் பொங்கல் என இந்த இருவரது போஸ்டர்கள் இனி அதிகமாக இருக்குமே!

அதிமுக எனும் அந்நியசக்தியைக்கண்டு அஞ்சாதே என் உடன்பிறப்பே! அவர்தம் ஆளுமை போயஸ்த்தோட்டத்தின் முட்டுச்சந்தில் புதைந்து போய் பல வருடமாகிவிட்டதடா என் கண்மணியே!

அழகிரி போட்டியிடும் தொகுதியில் போட்டியிட நேரடி போட்டியாளரான போயஸ்த்தோட்டத்து போக்கிரிகளே அஞ்சி நடுங்குகின்றனர்.. நம்மோடு போரிட்டு வெல்ல எவருண்டு இம்மாமண்ணில்.. திருமங்கலம் போரில் அதிமுகவின் டவுசரைக்கழட்டி புறமுதுகிட்டு ஓட விட்டது அத்தனை எளிதில் மறந்துவிட்டதா என் கண்மணியே.. ராமநாதபுரம் சிங்கமும் மதுரை புலியும் எம்.பியாகி தமிழனுக்காவும் தமிழின மக்களுக்காகவும் போராடி இந்தியாவிலேயே தமிழ்நாட்டை பீகாருக்கு இணையான மாநிலமாக மாற்ற தாலி காத்த காளியம்மன் அருள்பாலிப்பாளடா என் கண்மணியே!

அனைத்து வேட்பாளரும் வெற்றிபெற வாழ்த்துக்களை தெரிவிப்போம் . வாயில் விரலை வைத்துக்கொண்டு இம்முறையும் திமுக நாளைநமதே நாற்பதும் நமதே என போட்டியிடும் அனைத்து தொகுதிகளிலும் வென்று தனது மீதி இரண்டாண்டு ஆட்சியை காத்துக்கொள்ளட்டும்.

கலைஞர் இன்னும் பல்லாண்டுகள் ஆட்சி செய்து தமிழ் வளர்க்கட்டும். இளைஞரணி தலைவராகவே ஸ்டாலின் இன்னும் நூறாண்டுகள் பதவி வகிக்கட்டும்.

மாமன்னர் கலைஞர் வாழ்க - அவர்தம் குடும்பம் வாழ்க - உன் குடும்பம் உனக்கெதற்கு - திமுக என்னும் அருமையான கழகமிருக்க.. வா என் கண்மணியே தேர்தல் பணியாற்ற வா.. கொடியவரை வீழ்த்துவோம் வா..

***************************

கருப்புக்கொடி ஏந்திய காலம் போச்சே!

2009-04-19T17:58:00.001+03:00

யுவகிருஷ்ணா: கருப்புக்கொடி ஏந்திய காலம் போச்சே!

பணத்தால் தி.மு.க.,வெற்றி பெற முடியாது':மருத்துவர் அய்யா

2009-04-18T10:27:00.004+03:00

சென்னை:""பணத்தை கன்டெய்னரில் கொண்டு வந்து இறக்கினாலும், விமானத்தில் பறந்து கொண்டே 1,000 ரூபாய் நோட்டுக்களை வாரி வீசினாலும், தி.மு.க., கூட்டணி ஒரு தொகுதியில் கூட வெற்றி பெற முடியாது,'' என்று பா.ம.க., நிறுவனர் மருத்துவர் அய்யா பேசினார்.ஸ்ரீபெரும்புதூர் தொகுதி பா.ம.க., வேட்பாளர் செயல்வீரர்கள் கூட்டம், சென்னையை அடுத்த பல்லாவரத்தில் நேற்று நடந்தது.

கூட்டத்தில் மருத்துவர் அய்யா பேசியதாவது:அ.தி.மு.க., தலைமையிலான கூட்டணி ஒரு இயற்கையான கூட்டணி. நாளுக்குநாள் ஆதரவு பெருகிக் கொண்டே வருகிறது. மக்கள் சக்தி ஜெயலலிதா பின் உள்ளது. உழைப்பிற்குப் பெயர் பெற்ற கம்யூனிஸ்டுகள் நம்முடன் இருக்கின்றனர். இந்தக் கூட்டணி 40 தொகுதிகளிலும் வெற்றி பெறும்.தி.மு.க., - காங்கிரஸ் கூட்டணி 40 தொகுதிகளிலும் தோற்கப் போகிறது. "பணம் தான் தேர்தல் என்றால், டாடா, பிர்லா, அம்பானி போன்றோர் தான் பிரதமராக வர முடியும்' என்று ஜெயலலிதா கூறினார்.

டாட்டா ஒரு தொகுதிக்கு 50 கோடி வீதம் 543 தொகுதிகளுக்கும் செலவு செய்தால், அவர் வெற்றி பெற்றுவிடுவாரா; மக்கள் அவரைப் பிரதமராக ஆக்குவாரா? இது முடியாத காரியம்.நமது கூட்டணியில் உள்ள கட்சிகளின் கொள்கைகள், நோக்கங்களை மக்களிடம் எடுத்துச் சொல்லியும், தி.மு.க., அரசின் அவலங்களை எடுத்துச் கூறியும் ஓட்டு கேட்க வேண்டும்.பிரச்னைகள் எதுவாக இருந்தாலும், மக்கள் என்னைத் தேடி வர வேண்டாம்; நான் மக்களைத் தேடி வருவேன். எறும்பை விட சுறுசுறுப்பாக உழைத்து, 40 தொகுதிகளிலும் வெற்றி பெற பாடுபட வேண்டும்.இவ்வாறு மருத்துவர் அய்யா ராமதாசு பேசினார்.

இலங்கைக்கு இறுதி எச்சரிக்கை: ராமதாஸ் கோரிக்கை

2009-04-16T10:39:00.002+03:00

சென்னை : "இலங்கை தமிழர்களுக்காக கருணாநிதி எதையும் துறக்கவேண்டாம்; அவர்களைக் காப்போம் என்று தமிழக மக்களுக்கு கொடுத்த வாக்குறுதியை நிறைவேற்றுங்கள்' என்று பா.ம.க., நிறுவனர் ராமதாஸ் வேண்டுகோள் விடுத்துள்ளார்.

அவரது அறிக்கை:இலங்கையில் எது நடந்துவிடக்கூடாது என்று அஞ்சினாமோ அந்த கொடுமை சிங்கள இனவெறி போர்ப்படையினரால் அரங்கேறி வருகிறது. போர் முனையில் நேருக்கு நேர் மோதும் போராளிகளை வெல்ல முடியாமல் திணறுகின்ற சிங்கள படையினர், பாதுகாப்பு வளையங்களில் தஞ்சம் புகுந்துள்ள அப்பாவித் தமிழர்கள் மீது தாக்குதல் நடத்துகின்றனர்.சர்வதேச நாடுகளால் தடை செய்யப்பட்டுள்ள அக்னி குண்டுகளை வீசி, இதுவரை நடந்திராத அளவில் இன ஒழிப்பை நடத்துகின்றனர். உலகில் எங்கெங்கோ நடக்கும் கொடுமைகளுக்காக குரல் கொடுக்கும் இந்திய அரசு, இலங்கையில் நாள்தோறும் தமிழினத்தைக் கொன்று குவிக்கும் சிங்கள ராணுவத்திற்கு எதிராக இதுவரை ஒரு முறை கூட உரக்க எச்சரிக்கை விடவில்லை என்ற ஆதங்கமும், கோபமும் தமிழக மக்களுக்கு இருக்கிறது. இலங்கை தமிழர்களை அரவணைத்து பாதுகாக்க வேண்டிய கடமைப்பொறுப்பும், பன்னாட்டு சட்டத்தின்கீழ் நேரடியாக தலையிடுவதற்கான உரிமையும், சட்டத்தகுதியும் உள்ள இந்தியா, இந்த கடைசி நிமிடத்திலாவது தலையிட்டு போரை நிறுத்தி, அங்கே நடக்கும் தமிழின பேரழிவை தடுத்து நிறுத்தவேண்டும். வெறும் 48 மணி நேரம் போர்நிறுத்தம் என்ற ஏமாற்று வேலையில் இலங்கை அரசு ஈடுபட்டபோது, அது எங்களால் தான் வந்தது மார்தட்டியவர்களுக்கு, இப்போது இலங்கை தமிழர்களை காப்பாற்றினோம் என்ற பெயரெடுக்க வாய்ப்பு கிடைத்திருக்கிறது. மத்திய அமைச்சர் சிதம்பரமும், மத்திய அரசை செயல்பட வைத்திருக்கிறோம் என்று மார்தட்டும் தி.மு.க., தலைவரும், மத்தியில் உள்ள செல்வாக்கை பயன்படுத்தி, போரை நிறுத்த இலங்கை அரசுக்கு இறுதி எச்சரிக்கை விடவேண்டும். இலங்கை தமிழர்களை காப்பதில் மத்திய அரசு இதுவரை கொடுத்த வாக்குறுதிகளை நிறைவேற்றவில்லை. இந்த கடைசி சந்தர்ப்பத்தையாவது மத்திய அரசு நழுவ விடக்கூடாது என்று இருவரும் எடுத்துச் சொல்லவேண்டும். இலங்கை தமிழர்களுக்காக எதையும் துறப்போம் என்று பேசியவர் முதல்வர் கருணாநிதி. அவர் எதையும் துறக்கவேண்டாம். இலங்கை தமிழர்களை காப்போம் என்று உங்களுக்கு கொடுத்த வாக்குறுதிகளை நிறைவேற்றுங்கள் என்று மத்திய அரசை நோக்கி, இந்த ஆபத்தான நேரத்தில் உரக்க குரல் கொடுத்தால் போதும். தேர்தல் நேரம் என்றதும் இலங்கை தமிழர்களுக்காக நீலிக்கண்ணீர் விடும் சிதம்பரத்தையும் உங்களோடு துணைக்கு அழைத்துக்கொள்ளுங்கள். போரை நிறுத்துங்கள் அல்லது முன்பு போல விமானப் படையை அனுப்பி தமிழர்களைக் காப்போம் என்று எச்சரிக்கை விடச் செய்யுங்கள். இதை சாதித்தால் வரலாற்றில் பொறிக்கப்படும். இல்லையென்றால் தமிழினம் உங்களை சபிக்கும். இவ்வாறு அதில் தெரிவிக்கப்பட்டுள்ளது.

“வாழும் பக்தவச்சலங்கள்”

2009-04-15T20:04:00.001+03:00

உலகத்தின் ஒட்டுமொத்த மனசாட்சியையும் உலுக்கிப் போட்டிருக்கிறது முத்துக்குமாரின் மரணம். இப்பூவுலகை விட்டுப் புறப்படுவதற்கு முன் தான் பயணப்படுவதற்கான காரணங்களை மிகத் தெளிவாக அச்சிட்டு……. நிதானமாக ஒவ்வொருவர் கையிலும் அளித்துவிட்டு……. மூடியைத் திறந்து ஊற்றினால் பெட்ரோல் பரவலாகத் தன் உடலில் பரவாது என்று அதன் அடிப்பகுதியை அறுத்து தன்னை முழுதாகக் குளிப்பாட்டிக் கொண்டு பற்ற வைத்திருக்கிறான் தோழன் முத்துக்குமார்.

அந்தத் தோழனின் மரண சாசனத்திலுள்ள ஒவ்வொரு வார்த்தையும் ஒவ்வொரு வரியும் இதயமுள்ள எவரையும் கண்ணீர் விட்டு அழ வைக்கும். உள்ளூர் அரசியலின் ஒவ்வொரு அங்குலத்தையும் அலசி ஆராய்வதிலிருந்து……. சர்வதேச அரசியலின் ஆணிவேரையும் அடையாளம் காட்டியிருக்கிறது அவனது மரண சாசனம். இது இந்த நூற்றாண்டின் மக்களுக்கான இலக்கியமாக என்றென்றும் வீற்றிருக்கும்.

“வேலைக்குப் போகும் அவசரத்திலிருக்கும் உங்களை இப்படி சந்திக்க நேர்ந்ததற்கு நான் வருந்துகிறேன். ஆனால் வேறு வழியில்லை…….” எனத் தொடங்கும் அந்தத் தோழனின் மடல் தமிழக - இந்திய ஓட்டுப் பொறுக்கிகளின் யோக்யதை……. தமிழக மாணவர்களது போராட்ட உணர்வு……. காவல்துறையில் எஞ்சியிருக்கும் ஓரிரு நேர்மையாளர்களும் மக்களுக்காகப் அர்ப்பணிக்க வேண்டியதன் அவசியம்……. காலத்தின் கட்டாயமாகிப் போன ஈழத்தின் விடியல்……. என எண்ணற்ற திசைகளில் பயணிக்கிறது அக்காவியம். அத்தோடு நில்லாமல் முத்துக்குமார் தான் நேசிக்கும் சர்வதேச சமூகத்தை நோக்கி வீசியிருக்கும் வினா……. அறிவு நாணயமுள்ள எவரையும் சிந்திக்க வைக்கும் வினா.

அதை அத்தோழனது வரிகளிலேயே சொல்வதானால்……. ” வன்னியில் விடுதலைப் புலிகளுக்கு எதிரான போர்தான் நடக்கிறது என்கிறார்கள். புலிகள் மக்களைக் கேடயமாகப் பயன் படுத்துகிறார்கள் என்கிறார்கள். அப்படியானால் அரசு சொன்ன பகுதிக்கு வந்த மக்களை ஏன் கொலை செய்தார்கள்? இது ஒன்று போதுமே. தமிழ் மக்கள் விடுதலைப் புலிகளைச் சார்ந்து நின்றாலும் சரி, இலங்கை அரசைச் சார்ந்து நின்றாலும் சரி, தமிழர்கள் என்ற காரணத்திற்காகவே அவர்கள் கொல்லப்படுவார்கள் என்பதற்கு. இது இனப்படுகொலை இல்லையா? இந்தியா, பாகிஸ்தான், சீனா ஆயுதம் கொடுத்தும், ஜப்பான் பணம் கொடுத்தும், கூடுதலாக இந்தியா நாட்டாமை செய்தும் தமிழர்களைக் கொல்கிறார்கள் என்றால், நீங்கள் உங்கள் மெளனத்தின் மூலமாகவும், பாராமுகத்தின் மூலமாகவும் அதே கொலையைத்தான் செய்து கொண்டிருக்கிறீர்கள் என்பதை ஏன் உணரவில்லை?” முத்துக்குமாரின் வரிகளில் உள்ள சர்வதேச அரசியல் பார்வையையும்……. சர்வதேச சமூகத்தின் சகிக்கமுடியாத மெளனம் குறித்த கவலையையும்……. வாசிக்க வாசிக்கவே……. இத்துணை அற்புதமான தோழனை இழந்திருக்கிறோமே எனக் கண்ணீர் விட்டு அழுதேன். ஒருமுறை அல்ல. பலமுறை.

தான் வெறுமனே தமிழ் வெறியனல்ல. ஒட்டுமொத்த மனிதகுலத்தின் ஓருயிர் என்பதை உணர்த்தும் விதமாய்…….” படுகொலை செய்யப்பட்ட சிங்களப் பத்திரிகையாளர் லசந்தாவின் சாவுக்குக் காரணமானவர்கள் தண்டிக்கப்பட வேண்டும்…….

தமிழ்நாட்டிற்கு அகதிகளோடு அகதிகளாக வந்த சிங்களத் தம்பதியினர் மீதான பாஸ்போர்ட் குற்றச்சாட்டு நீக்கப்பட்டு, அவர்களும் அகதிகளாக அங்கீகரிக்கப்பட வேண்டும்…….” என்கிற வரிகளை வாசிக்கும்போது விண்ணுக்கும் மேலாய் உயர்ந்து நிற்கிறான் அம்மானுடன்.

“என் உடலை காவல்துறை அடக்கம் செய்துவிட முயலும். விடாதீர்கள். என் பிணத்தைக் கைப்பற்றி, அதை புதைக்காமல் வைத்திருந்து போராட்டத்தைக் கூர்மைப்படுத்துங்கள்” என்கிற தம்பியின் வேண்டுகோளை ஏற்று……. போலீசை மட்டுமல்ல……. ஓட்டுப் பொறுக்கிகளையும் ஓட ஓட விரட்டியிருக்கிறார்கள் இளைஞர்கள்.

காங்கிரசின் கிளைக் கழகமாகிப் போன தி.மு.க.வின் எம்.எல்.ஏ.வுக்கு உதை…….

போயஸ் தோட்டத்தில் “போர்த்தந்திரம்” வகுக்கும் வை.கோவிடம் “ஜெ.கிட்டே இருந்து வெளீல வந்துட்டு ஈழத்தைப் பத்திப் பேசு” என்கிற எச்சரிக்கை…….

என ஓட்டுத் தலைவர்கள் எவரும் தப்பவில்லை இந்த இளைஞர்களிடம். காங்கிரஸ் ஆட்சிக்காலங்களில் இந்தித் திணிப்பிற்கெதிரான மாணவர்களது மொழி உணர்வுகளை தங்களுக்காக அறுவடை செய்து கொண்ட தி.மு.க.வினருக்குத் தெரியாதா……. எதை எப்படிச் சமாளிப்பதென்று? அதுவும் அப்படியே செய்தது…….. கல்லூரிகள் அனைத்தையும் இழுத்து மூடி, மாணவர்களை வெளியேற்றியது. ஆனால் அதையும் உடைத்தெறிந்து இந்தக் கணம் வரை தொடர்ந்து கொண்டிருக்கிறது மாணவர்களது யுத்தம்.

காங்கிரஸ் ஆட்சியில் முதல்வர் பகதவச்சலம் மாணவர்களை ஒடுக்க எதை எதையெல்லாம் செய்தாரோ……. அவைகளை அச்சு பிசகாமல் அரங்கேற்றிக் கொண்டிருக்கிறார் “வாழும் பக்தவச்சலமான” முத்தமிழறிஞர்.

இந்த லட்சணத்தில் இருக்கின்ற அமைப்புகள் போதாதென்று “இலங்கை தமிழர் நல உரிமை பேரவை” என்று இன்னொரு புது அமைப்பு வேறு. பெரியாருக்கு ஆப்படிக்கும்போது “தலைவர்” பதவியைக் காலியாக விட்ட மாதிரி…….

இந்த அமைப்புக்கும் இப்போது “தலைவர்” கிடையாதாம்…….

அதன் துணைக் குழுவுக்கு அமைப்பாளராக துரைமுருகனாம்…….

செயலாளர்களில் ஒருவராக இரட்டைக் குழல் துப்பாக்கியின் ஒரு குழாயான கி.வீரமணியாம்…….

இப்படி நகர்கிறது இவர்களது நகைச்சுவை நாடகம். இதற்கு பதிலாக…….

தலைவராக “வழக்கம்போல்” கலைஞரும்…….

பொதுச் செயலாளராக ராஜபக்சேவும்…….

பொருளாளராக சோனியாவும்…….

செயலராக ஜெயலலிதாவையும்…….

துணைச் செயலாளராக சுப்ரமண்யன்சாமியையும்…….

சேர்த்துப் போட்டிருக்கலாம்.

கிழிஞ்சது கிருஷ்ணகிரி.

கொஞ்ச காலம் முன்பு வட மாநிலத் தொலைக்காட்சி ஒன்று “கருணாநிதி” என்பதற்குப் பதிலாக “கருணா” என்று அழைத்ததைக் கண்டு கடும்கோபமும்……. எரிச்சலும் கொண்டேன்.

ஆனால்…….

நடந்து வரும் நாடகங்களயும்…….

நயவஞ்சகங்களையும்……. பார்க்கும்போது…….

ஈழத்துக் “கருணா”விடம் இருந்து மட்டுமில்லை…….

இந்தியக் “கருணா”க்களிடம் இருந்தும்

ஈழப்பிரச்சனையை மீட்டால்தான்

தன்னைத்தானே மாய்த்துக் கொண்ட

தம்பி முத்துக்குமாரின் கனவு நனவாகும்

என்பது மட்டும் உறுதி.

நன்றி :திரு .பாமரன்

March 10, 2009

பாமகவிற்கு ஏன் இந்த முக்கியத்துவம்?

2009-04-14T18:28:00.000+03:00

அ.தி.மு.க கூட்டணிக்கு வாக்களிக்குமாறு விடுதலைப்புலிகள் மறைமுக வேண்டுகோள்

2009-04-14T11:13:00.007+03:00

ஈழத்தமிழர்களின்மீது மீண்டும் அ.தி.மு.க கரிசனை எடுப்பது மகிழ்ச்சி திருகின்றது பா.நடேசன்

தமிழகத்தில் தற்போது அ.தி.மு.க அணியினர் ஈழத்தமிழர்கள் மேல் அதிக கரிசனை காட்டுவதும், அவர்களின் விடியலுக்கு ஆதரவு தெரிவிப்பதும் எமக்கும், எமது மக்களுக்கும் நம்பிக்கையினையும், மகிழ்ச்சியையும் தருவதாக தமிழீழ விடுதலைப் புலிகளின் அரசியல்த்துறைப் பொறுப்பாளர் பா.நடேசன் தெரிவித்துள்ளார்.

"ஹெட் லைன்ஸ் ருடே" என்ற ஆங்கில ஊடகத்திற்கு அவர் வழங்கியிருந்த செவ்வியிலேயே அவர் இவ்வாறு தெரிவிதுள்ளார். அங்கு தொடர்ந்து மேலும் கருத்து தெரிவித்துள்ள பா.நடேசன், ஈழத்திழர்களின் பால் இன உணர்வாலும், பாசத்தாலும் தமிழக மக்கள் ஒன்றியே நிற்கின்றார்கள்.

அந்த வகையில் ஆரம்ப காலங்களில் அ.தி.மு.க வின் நிறுவுனரும், முன்னாள் முதலமைச்சருமாக இருந்த அமரர் எம்.ஜி.ராமச்சந்திரன் அவர்கள், ஈழத்தமிழர்களுக்கான விடிவுக்காக சகல வழிகளிலும், வெளியப்படையாக முழு உதவிகளையும் வழங்கியிருந்தார்.

அதேபோல அண்மையில் தற்போதைய அந்தக்கட்சியின் தலைவி செல்வி. ஜெயலலிதா ஜெயராமன் அவர்கள், ஈழத்தமிழர்களுக்கு தன்னாட்சி அதிகாரமே தீர்வாக அமையும் என தெரிவித்திருந்தார்.

அத்தோடு தற்போது வன்னியில் இடம்பெறும் பேரவலங்கள், மனிதப்பேரழிவுகள் கண்டு, தமது அனுதாபங்களையும், இந்திய மற்றும் சிறி லங்கா அரசுகளுக்கு கண்டனங்களையும் தெரிவித்திருந்தார்.

இவற்றின் மூலம் செல்வி.ஜெயலலிதா ஜெயராமன் அவர்கள் தற்போது ஈழத்தமிழர் விடயத்தில் ஒரு தெளிவான நிலையில் உள்ளார் என்பது புரிகின்றது.

அத்தோடு தற்போது ஈழத்தமிழர்களின் தமிழக பாதுகாவல் தூண்களான ம.தி.முக. செயலாளர் வைகோ அவர்களும், பா.ம.க நிறுவுனர் மருத்துவர் ராமதாஸ் அவர்களும் அந்த அணியிலேயே இருப்பது, அ.தி.மு.க அணியினரின் ஈழத்தமிழர் விவகாரத்தை பெரிய அளவில் முன்னெடுக்கும். இந்த நிலையில் ஈழத்தமிழர்களின் பால் பாராமுகம் காட்டிவரும் இந்திய காங்கிரஸ் அரசின் செயல் தவறு என எதிர்வரும் தேர்தல்கள் இந்திய அரசுக்கு உணர்த்தும் எனவும் அவர் நம்பிக்கை வெளியிட்டுள்ளார்.

அ.தி.முக. அணியினரின் ஈழத்தமிழர் மீதான கரிசனையும், தமிழக மக்களின் ஈழத்தமிழர்கள், அவர்களது போராட்டத்திற்கான பேராதரவும், எமக்கும் எம் மக்களுக்கும் மகிழ்ச்சியைத்தருவதாக நடேசன் மேலும் தெரிவித்துள்ளார்.

உலகத்தமிழரின் குரல் ஓங்கி ஒலித்துக் கொண்டிருக்கையில் கருணாநிதி மௌனம்: ஜெயலலிதா

ஈழத்தமிழர்கள் மீதான தாக்குதல் தொடர்பில் உலகத்தமிழரின் குரல் ஓங்கி ஒலித்துக் கொண்டிருக்கும் இவ்வேளையில் கலைஞர் கருணாநிதி மட்டும் எதுவுமே நடைபெறாததைப் போன்று மௌனம் சாதித்துக் கொண்டிருக்கின்றார்.

உடனடியாக இலங்கையில் போர் நிறுத்தத்திற்கு வலியுறுத்த வேண்டும் என அ.இ.அ.தி.மு.க. பொதுச் செயலாளர் ஜெயலலிதா கோரியுள்ளார்.

இது குறித்து அவர் வெளியிட்டுள்ள அறிக்கையில்:

"ஆட்சி அதிகாரம் தன் பக்கம் இருக்க வேண்டும், தன் குடும்பம் வளமாக வாழ வேண்டும் என்ற தன்னலத்தின் காரணமாக, இலங்கைக்கு இந்திய அரசாங்கம் ஆயுதங்கள் மற்றும் நவீன சாதனங்கள் அனுப்பியதையும், சிறீலங்கா இராணுவத்தினருக்கு பயிற்சிகள் அளித்ததையும் வேடிக்கை பார்த்தவர் முதல்வர் கருணாநிதி.

ஈழத்தமிழர்களுக்கு எதிரான நடவடிக்கையைத் தட்டிக் கேட்டு, அதற்காக மத்திய அரசுக்கு அளித்து வந்த ஆதரவை கருணாநிதி திரும்பப் பெற்றிருப்பாரேயானால் சிறீலங்கா அரசுக்கான மத்திய அரசின் உதவி அன்றே நிறுத்தப்பட்டிருக்கும். ஈழத்தமிழர்கள் இந்த நிலை ஏற்பட்டிருக்காது.

ஆனால் கருணாநிதி அதனைச் செய்யவில்லை. கருணாநிதியின் சுயநலம் காரணமாக இன்று இலங்கையில் தமிழர்கள் இன்னல்களை எதிர்நோக்கிக் கொண்டிருக்கின்றனர். இலங்கையில் தொடரும் மோதல்கள் பற்றிய தகவல்கள் உலக நாடுகளில் பெரும் அதிர்ச்சி அலையை ஏற்படுத்தியுள்ளது. இதனைக் கண்டித்து இங்கிலாந்து, பிரான்ஸ், கனடா, நோர்வே உள்ளிட்ட நாடுகளில் வசிக்கும் தமிழர்கள் போராட்டங்களில் ஈடுபட்டு, தமிழர்களுக்கு எதிரான மனிதாபிமானமற்ற போரை உடனடியாக நிறுத்த வேண்டும் என்று கோரிக்கை விடுத்துள்ளனர்.

ஈழத்தமிழர்களுக்காக உலகத்தில் உள்ள தமிழர்களின் குரல்கள் எல்லாம் ஓங்கி ஒலித்துக் கொண்டிருக்கையில், இலங்கையில் எதுவுமே நடக்காதது போல தி.மு.க. அரசின் முதலமைச்சர் கருணாநிதி மௌனம் சாதிப்பது கடும் கண்டனத்திற்குரியது.

தற்போது இலங்கைத் தமிழர்களைக் காக்க உள்ள ஒரே வழி உடனடி போர் நிறுத்தம் தான். தமிழர்கள் மீது கருணாநிதிக்கு உண்மையிலேயே அக்கறை இருக்குமானால், மத்திய அரசை நிர்ப்பந்தப்படுத்தி உடனடியாக போர் நிறுத்தம் ஏற்பட நடவடிக்கை எடுக்க வேண்டும் என்று தமிழர்களின் சார்பில் வலியுறுத்திக் கேட்டுக்கொள்கிறேன்." என்று தெரிவிக்கப்பட்டுள்ளது

தொண்டர்களுக்கு ராமதாஸ் கடிதம்

2009-04-14T10:22:00.004+03:00

கூட்டணி வேட்பாளரின் வெற்றிக்கு பாடுபடுங்கள் : தொண்டர்களுக்கு ராமதாஸ் கடிதம்

அன்புள்ள பாட்டாளி சொந்தங்களே ,
வணக்கம்

நமது கட்சி அ.தி.மு. க.,வுடன் கூட்டணி சேரவேண்டும் என்று நீங்கள் விரும்பிய வண்ணமே கூட்டணி அமைக்கப்பட்டுள்ளதை அறிவீர். கூட்டணியில் ம.தி.மு.க., - இந்திய கம்யூ., - மா.கம்யூ., இன்னும் பிற கட்சிகள் இணைந்திருப்பது நமக்கு மேலும் வலு சேர்க்கிறது.இந்தத் தேர்தலில் புதுச்சேரி உள்ளிட்ட 40 தொகுதிகளில் ஏழு தொகுதிகளில் பா.ம.க., வேட்பாளர்களும், மற்ற 33 தொகுதிளில் கூட்டணிக் கட்சிகளின் வேட்பாளர்களும் போட்டியிடுகின்றனர். இந்த 33 தொகுதிகளிலும் பா.ம.க., வேட்பாளர்களே போட்டியிடுவதாகக் கருதி, நீங்கள் தொய் வில்லாமலும், சோர்வில் லாமலும் கடினமாக உழைத்து நமது கூட்டணிக் கட்சிகளின் வேட்பா ளர்களை வெற்றி பெறச் செய்ய வேண்டும்.ஒவ்வொரு ஓட்டுச்சாவடி வாரியாகவும், ஒன்றிய, நகர வாரியாகவும் நமது கூட்டணி வேட்பாளர்களுக்குக் கிடைத்த ஓட்டு எண்ணிக் கையை தனித்தனியாகப் பார்க்க உள்ளேன். எங்கும் ஓட்டுக்கள் குறையக்கூடாது. தேர்தல் பிரசாரப் பணியில் நீங்கள் எந்தவித எதிர்பார்ப்புமின்றி பணி தடையில்லாமல் நம் கட்சியின் பெருமை மிக்க மரபுகளைக் காக்கும் வகையில் நீங்கள் தோழமைக் கட்சியினருக்கு முழுமையான ஒத்துழைப்பு நல்கி, மற்றவர்களைவிடச் சிறப்பாகப் பாடுபட்டு வெற்றிக் கனியைப் பறித்துத்தர வேண்டும்.

கூட்டணிக் கட்சி வேட்பாளர்களிடமிருந்து வாகனம், தொகை, வேறு பிற தேவைகள் என அவர்களைத் தொந்தரவு செய்யாமல் உங்களிடமுள்ள குறைந்த வசதி வாய்ப்புகளைக் கொண்டேனும் நிறைவான வகையில் நீங்கள் தேர்தல் பணியாற்ற வேண்டும்.தங்கள் கட்சியினரைவிட பா.ம.க.,வினரே சிறப்பாகத் தேர்தல் பணிகளை நிறைவேற்றி, வெற்றியைத் தேடித் தந்தனர் என்று பாராட்டும் படியாக உழைப்பர் என எதிர்பார்க்கிறேன்.

இப்படிக்கு

உங்கள் உண்மையுள்ள

மருதத்துவர் .ச.ராமதாசு

பாமாக நிறுவனர்

திண்டிவனம்.

ஈழத்தமிழர்கள் பிரச்சனையில் ப.சிதம்பரத்திற்கு(காங்கிரஸ்க்கு ) ராமதாஸ் 9 கேள்விகள்

2009-04-14T09:54:00.005+03:00

இலங்கை தமிழர் பிரச்சனையில் பாமகவை விமர்சித்திருந்தார் மத்திய உள்துறை அமைச்சர் ப.சிதம்பம். இதற்கு பதிலளிக்கும் விதத்தில் அறிக்கை வெளியிட்டுள்ளார் பாமக நிறுவனர் ராமதாஸ்.

அவர் வெளியிட்டுள்ள அறிக்கையில், ‘’இலங்கைத் தமிழர்களை அரவணைத்துப் பாதுகாக்க வேண்டிய பெற்றோர்கள் என்ற முறையிலும், தமிழர்களின் தொடக்கத் தாயகம் என்பதாலும், இனப்படுகொலையை முடிவுக்குக் கொண்டு வருவதற்கு பன்னாட்டுச் சட்டத்தின் கீழ் நேரடியாக தலையிடுவதற்கான உரிமையும், கடமைப் பொறுப்பும், சட்டத் தகுதியும் இந்தியாவுக்கு இருக்கிறது என்பதை பிரதமரிடமும்,

காங்கிரஸ் தலைவர் சோனியாகாந்தியிடமும், வெளியுறவுத்துறை மந்திரி பிரணாப் முகர்ஜியிடமும் பா.ம.க. தொடர்ந்து வலியுறுத்தி வந்திருக்கிறது.

நேரில் சந்தித்தும்,கடிதங்கள்வாயிலாகவும்இதனைவற்புறுத்தியிருப்பதுடன்,மக்களவையிலும், பா.ம.க. உறுப்பினர்கள் இலங்கைத் தமிழர் பிரச்சினையை மத்திய அரசின் கவனத்திற்கு கொண்டு வந்திருக்கிறார்கள்.

ஆக்கப்பூர்வமாக செயல்பட்ட பா.ம.க. மீது சிதம்பரம் இப்போது தேர்தலுக்காக வீண் பழி சுமத்த முற்பட்டிருக்கிறார்.

1. இலங்கைத் தமிழர் சிக்கல், கடந்த 4 ஆண்டுகள் 11 மாதங்களில், மத்திய அமைச்சரவைக் கூட்டத்தில் விவாதப் பொருள்களில் ஒன்றாக விவாதத்துக்கு எடுத்துக்கொள்ளப்பட்டிருக்கிறதா? எடுத்துக் கொள்ளப்பட்டிருந்தால் எந்த அமைச்சரவைக் கூட்டத்தில் எடுத்துக் கொள்ளப்பட்டது? விவாதப் பொருளாக என்ன விவாதிக்கப்பட்டது? அந்த விவாதத்தில் சிதம்பரத்தின் பங்களிப்பு என்ன?

2. இந்தச் சிக்கல் மத்திய அமைச்சரவைக் கூட்டத்துக்கே ஒருபோதும் வரவில்லை என்றால் ஏன் வரவில்லை? அமைச்சரவைக் கூட்டத்தில் இதை விவாதப் பொருளாகக் கொண்டு வருவதற்கு பொறுப்பான அமைச்சகம் எது? சம்பந்தப்பட்ட அமைச்சகம் ஏன் அதைச் செய்யத் தவறியது?

3.இலங்கைத் தமிழர் இனப்படுகொலையை முடிவுக்குக் கொண்டு வருவதற்கு பன்னாட்டுச் சட்டத்தின் கீழ் நேரடியாகத் தலையிடுவதற்கான உரிமையும், கடமைப் பொறுப்பும், சட்டத் தகுதியும் இந்தியாவுக்கு இருக்கிறது. இந்த உரிமை எப்போதேனும் பயன்படுத்தப்பட்டுள்ளதா? இதுபற்றி அமைச்சரவைக் கூட்டத்திலாவது விவாதிக்கப்பட்டிருக்கிறதா?

4. இல்லை என்றால், தமிழகத்தைச் சேர்ந்த மிகவும் மூத்த மந்திரியும், நிதித்துறை, உள்துறை போன்ற முதன்மையான பதவிகளை ஏற்றவரும், அரசின் கொள்கை முடிவுகளை மேற்கொள்ளும் அமைச்சரவைக் குழுக்களில் இடம் பெற்றவருமான சிதம்பரம் இதுவரை என்ன செய்து கொண்டிருந்தார்?

5. இலங்கை மீது சீனாவும், பாகிஸ்தானும் ஆதிக்கம் செலுத்தி வருவதால் அதன் மீது `செல்வாக்கு செலுத்தக்கூடிய ஆற்றல்' இந்தியாவுக்கு இல்லை என்று சிதம்பரம் சொல்லவில்லையா? இதன் மூலம் இலங்கை தொடர்பான இந்தியாவின் வெளியுறவுக் கொள்கை முழுத் தோல்வி என்று அவர் வெளிப்படையாக ஒப்புக் கொள்ளவில்லையா?

6. இந்தக் கொள்கையை வகுத்து, நிர்வகிப்பது யார்? - மத்திய அமைச்சரவையா? வெளியுறவு அமைச்சகமா? அல்லது குறுகிய கண்ணோட்டம் உடைய, பிறர் மீது நம்பிக்கையற்ற அதிகாரிகளா? மிகவும் மூத்த மந்திரி என்ற முறையில் சிதம்பரம் இதுபற்றி எப்போதாவது கவனம் செலுத்தியது உண்டா?

7. இலங்கைத் தமிழர் சிக்கல், வெகு தொலைவில் உள்ள இங்கிலாந்து, கனடா போன்ற நாடுகளின் நாடாளுமன்றங்களில் எல்லாம் வாதிட்டு, விவாதிக்கப்படும்போது, அண்டை நாடான இந்தியாவின் பாராளுமன்றத்தில் இதை அரசாங்கமோ, காங்கிரஸ் கட்சியோ ஏன் முன்வைத்து விவாதிக்கவில்லை? மக்களவையில் வினா நேரத்துக்குப் பிறகு பா.ம.க. உறுப்பினர்கள் மூலமாக இந்தச் சிக்கல் குறுகிய நேரம் விவாதத்துக்கு எடுத்துக் கொள்ளப்பட்ட போதும் கூட, சிதம்பரம் எங்கே போயிருந்தார்?

8. வெகு தொலைவில் இருக்கும் அமெரிக்காவில் பாராளுமன்றக் குழு இலங்கைத் தமிழர்களின் மனிதப்பேரழிவு சிக்கல் குறித்து விசாரிக்கும் போது, இந்தச் சிக்கல் ஏன் ஒரு போதும் இந்திய பாராளுமன்றத்தின் வெளியுறவுக் குழுவுக்கு கொண்டு செல்லப்பட்டு விவாதிக்கப்படவில்லை?

9. தொடர்ச்சியாகக் கோரிக்கைகள், மனுக்கள், சட்டப் பேரவைத் தீர்மானங்கள், அனைத்துக் கட்சித் தீர்மானங்கள், நாடாளுமன்ற உறுப்பினர்களின் தூதுக் குழுக்கள், முதல்-அமைச்சர் தலைமையில் அனைத்துக் கட்சித் தூதுக்குழு, இப்படியெல்லாம் முறையிட்டும்கூட, இலங்கைத் தமிழர் சிக்கலில் அக்கறை இல்லாமலும், ஈடுபாடு இல்லாமலும் இந்திய அரசு அமைதியாக இருந்து வருகிறது.

உண்மையில் அப்பாவித் தமிழ் மக்களுக்கு எதிராக இலங்கை அரசும் அதன் படைகளும் நடத்திவரும் இனப்படுகொலைக்கும், இனவெறிப்போருக்கும் இந்திய அரசு ஆதரவு அளித்து வருகிறது என்ற கடுமையான குற்றச்சாட்டுகளும் எழுந்துள்ளன.

இலங்கைப் படைகளுக்குப் போர்ப்பயிற்சி அளித்தல், போர்க் கருவிகள் வழங்கிப் பராமரித்தல், ரேடார் இயக்குதல், விமானம் மூலம் வேவு பார்த்துக் கண்காணித்தல், உளவுத் தகவல்களை வழங்குதல், கடற்படை மூலம் முற்றுகை முதலியவை அதில் அடங்கும். இந்திய அரசு இவை எதையும் மறுக்கவில்லை. இதுபற்றி சிதம்பரம் என்ன சொல்கிறார்?

இப்படியெல்லாம் சிதம்பரத்தை(காங்கிரஸ்) நோக்கி எண்ணற்ற கேள்விகளை எழுப்ப முடியும். இவற்றுக்கெல்லாம் சிதம்பரம் என்ன பதிலளிக்க முடியும்’’ என்று கேள்விகள் எழுப்பியுள்ளார்.

தேர்தல் ஸ்பெஷல்: ஏ.கே.மூர்த்தி (பா.ம.க.) ஸ்ரீபெரும்புதூர் தொகுதி பயோடேட்டா

2009-04-13T18:19:00.000+03:00

தேர்தல் ஸ்பெஷல்: ஏ.கே.மூர்த்தி (பா.ம.க.) ஸ்ரீபெரும்புதூர் தொகுதி பயோடேட்டா

'தீ'லீபன் - இவன் உண்மை தமிழன்: மருத்துவர் ராமதாஸ்

2009-04-12T17:17:00.000+03:00

'தீ'லீபன் - இவன் உண்மை தமிழன்: மருத்துவர் ராமதாஸ்

பாமகவின் முன் உள்ள சவால்-சிதம்பரம்,அரக்கோணம் ,ஸ்ரீபெரும்புதூர்

2009-04-08T19:45:00.001+03:00

பாமகவின் முன் உள்ள சவால்

பலர் நினப்பது போல் இல்லாமல் சவால் நிறைந்த தொகுதிகளே பா.ம.கவிற்கு ஒதுக்கப்பட்டுள்ளன. அதற்கு ஒதுக்கப்பட்டுள்ள தொகுதிகளில் திருவண்ணாமலை, கள்ளக்குறிச்சி ஆகிய இரண்டும் புதிதாக உருவாக்கப்பட்டுள்ள தொகுதிகள். ஸ்ரீபெரும்புதூர் மறுசீரமைப்பிற்குப் பின் உருமாற்றம் பெற்று சென்னையின் புறநகர் தொகுதியாக மாற்றம் கண்டிருக்கிறது.சிதம்பரமும் பாதிக்குப் பாதி என்ற அளவில் மாற்றம் கண்டிருக்கிறது. தர்மபுரி, அரக்கோணம் அதிக சிரமம் இராது. ஒரு Quick look

ஸ்ரீபெரும்புதூர்: ஆ.கி.மூர்த்தி
http://india.gov.in/govt/loksabhampdetail.php?mpcode=257
முன்பு இது கும்மிடிப்பூண்டி, பொன்னேரி, ஸ்ரீபெரும்புதூர், பூந்தமல்லி, திருவள்ளூர், திருத்தணி ஆகிய சட்டமன்றத் தொகுதிகளை உள்ளடக்கிய ஒரு பெருநகரின் அருகமைந்த 'கொல்லைப்புற' (Backyard) நாடாளுமன்றத் தொகுதியாக விளங்கியது.
இன்று இது மதுரவாயல், அம்பத்தூர், .ஆலந்தூர்,.ஸ்ரீபெரும்புதூர் (தனி), பல்லாவரம், தாம்பரம். ஆகிய சட்டமன்றத் தொகுதிகளை உள்ளடக்கிய தொகுதி. இதில் மதுரவாயில்,அம்பத்தூர், பல்லாவரம் ஆகியவை புதிதாக உருவாக்கப்பட்ட சட்டமன்றத் தொகுதிகள். தாம்பரம் சட்டமன்றத் தொகுதியும் சில பகுதிகளை வேளச்சேரி தொகுதியிடம் இழந்திருக்கிறது. எனவே வெற்றி வாய்ப்பைக் கணிக்க பழைய கணக்குகள் உதவாது. ஆனால் சில நுண் ஆய்வுகள் (Micro analysis) மூலம் சில ஊகங்களை மேற்கொள்ளலாம்.

2006 சட்டமன்றத் தேர்தலின்போது வில்லிவாக்கம் தொகுதியில் அடங்கியிருந்த அம்பத்தூர், மதுரவாயில் பகுதிகளில் திமுக கணிசமான வாக்குகள் பெற்றது என திமுகவினர் சொல்கிறார்கள். புதிதாக உருவாகியுள்ள பல்லாவரம் ஆலந்தூர் தொகுதிக்குள் இருந்தது.ஆலந்தூரில் 2001ல் 13 ஆயிரம் வாக்கு வித்தியாசத்தில்
ஆர்.எம்.வீரப்பனை வீழ்த்திய அதிமுக 2006ல் சுமார் 18 ஆயிரம் வாக்கு வித்தியாசத்தில் தோல்வி கண்டது.(அதாவது இங்கு கூட்டணி கட்சிகளின் பலம் முடிவுகளைத் தீர்மானிக்கின்றன) (மாற்றத்திற்குட்படாத) தாம்பரத்தில்.
2001, 2006 ஆகிய இரண்டு தேர்தல்களிலும் திமுகவே வென்றது. ஸ்ரீபெரும்புதூர் சட்டமன்றத் தொகுதியில் 2001ல் அதிமுக அணியின் ஆதரவிலும், 2006ல் திமுக அணியின் ஆதரவிலும் போட்டியிட்ட காங்கிரஸ் வேட்பாளர் யசோதா வெற்றி பெற்றார் (அதாவது இங்கும் கூட்டணி கட்சிகளின் பலம் முடிவுகளைத்
தீர்மானிக்கின்றன)

சுருக்கமாகச் சொன்னால் இது திமுகவிற்கு சாதகமான தொகுதிதான். ஆனால் இதன் சில பகுதிகளில் கூட்டணி மாஜிக் வேலை செய்யும்.

ஆலந்தூர், தாம்பரம் ஆகியவை தென் சென்னைத் தொகுதியில் இருந்ததால், தென் சென்னை எம்.பி.யான டி.ஆர்.பாலு அந்தப் பகுதிகளில் தன்வசமிருந்த அமைச்சகத்தின் மூலம் நிறைய வளர்ச்சிப்பணிகளை செய்திருக்கிறார். ஆனால் வில்லிவாக்கம் வட சென்ன்னையில் இருந்ததால் அவர் அந்தப் பகுதிகளில் இதே அளவு கவனம் செலுத்தினார் எனச் சொல்ல முடியாது. என்றாலும் அவர் திமுக சார்பில் களமிறங்கினால் போட்டி கடினமாக இருக்கக் கூடும்.

இது நகர் சார்ந்த தொகுதியாக இருப்பதால், ஜாதி செல்வாக்கு பெருமளவில் வேலை செய்யாது. பணம் வேலை செய்யலாம். ஆனாலும் நடுத்தர வர்கத்தின், குறிப்பாக தொழிலாளர்களின் அரசியல் நிலைப்பாடுகள் தாக்கத்தை ஏற்படுத்தும் வல்லமை கொண்டவை

சிதம்பரம்

சிதம்பரம் மக்களவைத் தொகுதியில் சிதம்பரம், காட்டுமன்னார்கோவில், புவனகிரி, குறிஞ்சிப்பாடி, மங்களூர், விருத்தாசலம் ஆகிய ஆறு சட்டமன்றத் தொகுதிகள் இருந்தன. இவற்றில் இன்று, குறிஞ்சிப்பாடி, விருத்தாசலம் ஆகிய இரண்டு தொகுதிகளும், கடலூர் லோக்சபா தொகுதிக்கு மாற்றப்பட்டுள்ளன. மங்களூர் தொகுதி சில மாற்றங்களுடன் திட்டக்குடி என்ற புதிய சட்டமன்றத் தொகுதியாக கடலூர் நாடாளுமன்றத் தொகுதிக்கு மாற்றப்பட்டு விட்டது. எனவே சிதம்பரம் தொகுதியில் முன்பிருந்த சட்டமன்றத் தொகுதிகளில் மூன்று சட்டமன்றத் தொகுதிகள்தான் (சிதம்பரம், காட்டுமன்னார் கோவில், புவனகிரி) இருக்கின்றன. அவற்றோடு பெரம்பலூர் மாவட்டத்தில் உள்ள குன்னம், குன்னம், அரியலூர், ஜெயங்கொண்டம் ஆகிய தொகுதிகள் சிதம்பரம் நாடாளுமன்றத் தொகுதியில் சேர்க்கப்பட்டுள்ளன.

சிதம்பரம் நாடாளுமன்றத் தொகுதியில் முன்பு இருந்து இப்போதும் நீடிக்கிற மூன்று சட்டமன்றத் தொகுதிகளில் இரண்டு இப்போது (சிதம்பரம், புவனகிரி) அதிமுக வசம் இருக்கின்றன. 2006 சட்டமன்றத் தேர்தலில் அதிமுக பெரிய கட்சிகளின் துணையில்லாமல் போட்டியிட்டு வெற்றி கண்ட தொகுதிகள் இவை என்பதால் அதற்கு அங்கு கணிசமான செல்வாக்கு இருக்கிறது என்பதைப் புரிந்து கொள்ளலாம். இப்போது பாமகவும் அதனுடன் இணைந்து கொள்வதால் அந்த அணியின் வலு அதிகரித்திருக்கிறது. இன்னொரு பழைய தொகுதியான காட்டுமன்னார் கோயிலை விடுதலை சிறுத்தைகள் வென்றது. அன்று அது அதிமுக அணியில் இருந்தது. இன்று விடுதலைச் சிறுத்தைகள் இடம் மாறிவிட்டாலும், அந்த இழப்பை பாமக ஈடுகட்டக் கூடும் என்பதால் இப்போதும் இதை அதிமுக அணிக்குச் சாதகமான தொகுதியாகத்தான் கொள்ள வேண்டும்.

மீதமுள்ள குன்னம், அரியலூர், ஜெயங்கொண்டம் ஆகியவை புதிதாக உருவான தொகுதிகள்.

1998, 1999, 2004 ஆகிய மூன்று தேர்தல்களிலும் பாமக தொடர்ந்து வெற்ற் பெற்று வந்திருக்கிறது. மூன்று முறையும் 3லட்சம் -3.5லட்சம் வாக்குகள் பெற்றிருக்கிறது (பதிவான வாக்குகளில் 45-47%) இங்கு இரண்டு முறை
திருமாவளவன் போட்டியிட்டு இரு முறையும் தோல்வி கண்டிருக்கிறார். 1999ல் சுமார் 1.25 லட்சம் வாக்குகளில் தோற்றார். 2004ல் 87 ஆயிரம் வாக்குகளில் தோற்றார்.1999ல் அதிமுக ஆதரவோடு போட்டியிட்ட காங்கிரஸ் வேட்பாளர் 1 லட்சத்து 50 ஆயிரம் வாக்குகள் பெற்றார் என்பது கவனிக்கத் தக்கது.

இந்த முறையும் போட்டி திருமாவிற்கும் பாமகவிற்குமிடையேதான் இருக்கும். தோற்றத்தில் மாற்றம் கண்டுள்ள தொகுதி எப்படித் தீர்ப்பளிக்கப்போகிறது என்பதைப் பொறுத்திருந்துதான் பார்க்கவேண்டும்

அரக்கோணம்

அரக்கோணமும் மாற்றம் கண்டிருக்கிறது. ஆனால் கணிக்கக்கூடிய அளவிற்கான மாற்றங்கள்தான். திருத்தணி காட்பாடி ஆகிய இரண்டு தொகுதிகள் புதிதாக சேர்க்கப்பட்டிருக்கின்றன.இதில் திருத்தணி அதிமுக வசம் உள்ளது.

காட்பாடி துரைமுருகனின் சட்டமன்றத் தொகுதி.. கெளரவப் பிரசினையாக எடுத்துக் கொண்டு பாமகவிற்கு எதிரான போட்டியைத் தீவீரப்படுத்தலாம்

ரயில்வே துணை அமைச்சர் வேலு கடந்த முறை இந்தத் தொகுதியில் வெற்றி பெற்றார். ஒருவேளை திமுக இந்த முறை ஜகத்ரட்சகனைக் களமிறக்கக் கூடும்

பா.ம.க.,வை வீழ்த்த வால்லாதிக்க நரிகள்

2009-04-06T16:40:00.006+03:00

நீண்ட யோசனைக்குப் பின், அ.தி.மு.க., கூட்டணியில் இணைந்து ஏழு இடங்களை பா.ம.க., பெற்றது. பா.ம.க., எந்தக் கூட்டணியில் சேர்ந்தாலும் அதை தோல்வி அடையச் செய்ய வடமாநில வர்த்தக சக்திகள் சில தீவிரம் காட்டி வருவதாக கூறப்படுகிறது.

பா.ம.க., நிறுவனர் ராமதாஸ் செல்லும் இடங்களில் எல்லாம் "மது எதிர்ப்பு' பிரசாரம் செய்து வருகிறார். இதனால் அரசுக்கு நெருக்கடியும், பிரபல மது தயாரிப்பு நிறுவனங்களுக்கு தொழில் ரீதியிலான பாதிப்பும் உருவாகிறது. மத்திய அமைச்சர் அன்புமணி, புகை பிடிக்கும் தடை சட்டத்தை கொண்டு வந்தார். இதனால் வடமாநிலங்களைச் சேர்ந்த பிரபல சிகரெட் தயாரிப்பு நிறுவனங்களுக்கு பெரும் தொழில் பாதிப்பு ஏற்பட்டுள்ளது.தந்தையும், மகனும் அதிகாரத்தை பயன்படுத்தி தங்களுக்கு பாதிப்பு ஏற்படுத்துவதால், கடும் அதிருப்திக்கு ஆளான புகை மற்றும் மது தயாரிப்பு நிறுவனங்கள், நல்ல சந்தர்ப்பத்தை எதிர்பார்த்தன. லோக்சபா தேர்தலை சந்திக்க அந்த சக்திகள் முடிவு செய்துள்ளதாக கூறப்படுகிறது.உளவுத் துறைக்கும் இதுகுறித்த தகவல்கள் கிடைத்துள்ளன. பா.ம.க., போட்டியிடும் தொகுதிகளில், அக்கட்சி வேட்பாளருக்கு எதிராக வடமாநில சக்திகளின் பணம் பல கோடிகள் புரளும் என கூறப்படுகிறது.
நன்றி :தினமலர் 0௬/0௪/௨00௯

பாமரனின் முக்கிய வேண்டுகோள் :தேர்தல் திருவிழாவில் மது ,புகையை குடிக்காதிர் ,குடியை கேடுக்காதிர் ,வால்லாதிக்க நரிகள் வந்து நிதி கொடுத்தால் வாங்கிக்கொண்டு வாக்குபெட்டியில் நீதியை மாங்கனிக்கு செலுத்துங்கள்

கருணாநிதி போட்ட சோப்பு ,ஐயா அடிச்ச ஆப்பு

2009-04-05T18:28:00.005+03:00

ஞாயிற்றுக்கிழமை, 29 மார்ச் 2009

ஈழத் தமிழர்களுக்காக இரண்டு முறை தி.மு.க. ஆட்சி கலைக்கப்பட்டதாக முதல்வர் கருணாநிதி கூறுவதில் உண்மையில்லை எனவும் அதை யாரும் ஏற்கமாட்டார்கள் எனவும் பா.ம.க. நிறுவனர் ராமதாஸ் கூறியுள்ளார்

இது குறித்து அவர் சனிக்கிழமை வெளியிட்ட அறிக்கை:(ஐயா அடிச்ச ஆப்பு)

1975-ம் ஆண்டு நெருக்கடி நிலை அறிவிக்கப்பட்டது. நெருக்கடி நிலையை எதிர்த்து தி.மு.க. செயற்கு ழுவில் தீர்மானம் நிறைவேற்றப்பட்டது. அதனால் அன்றைய பிரதமர் இந்திரா காந்தி கோபமடைந்தார் நாடாளுமன்றத்தில் நடைபெற்ற ஒரு விவாதத்தின்போது, இந்தியாவின் கட்டுப்பாடற்ற தீவாய் தமிழகம் இருப்பதாக அறிவிக்கும் அளவுக்கு தி.மு.க. ஆட்சி உள்ளது என இந்திரா காந்தி குற்றஞ்சாட்டினார். அதற்கு மறுநாள் 1977, ஜனவரி 31-ல் தி.மு.க. ஆட்சி கலைக்கப்பட்டது

1972-ல் தி.மு.க.விலிருந்து பிரிந்து அ.தி.மு.க.வைத் தொடங்கிய எம்.ஜி.ஆர். தி.மு.க. அமைச்சரவை மீது 54 ஊழல் புகார்களைக் கொண்ட பட்டியலை அளித்தார். அதன் அடிப்படையில் நடவடிக்கை எடுக்கப்பட்டு, ஆட்சி கலைக்கப்பட்டது.

அப்போது இலங்கையில் ஆயுதப் போராட்டம் ஆரம்பிக்கப்படவே இல்லை. ஆனால் அதற்குப் பிறகு நெருக்கடி நிலையை கொண்டு வந்த அதே காங்கிரஸ் கட்சியுடன் தி.மு.க. கூட்டணி அமைத்தது. அக்கூட்டணி தமிழகத்தில் 37 மக்களவைத் தொகுதிகளில் வெற்றி பெற்றது கருணாநிதி அளித்த நிர்பந்தம் காரணமாக 1980-ம் ஆண்டு எம்.ஜி.ஆர் தலைமையிலான அ.தி.மு.க. அரசை, மத்திய அரசு கலைத்தது

1983-ம் ஆண்டில்தான் இலங்கை இனப் பிரச்சினை தலைதூக்கத் தொடங்கியது. அப்போது கருணாநிதி சட்டப்பேரவை உறுப்பினர் பதவியை இராஜிநாமா செய்தார். ஈழத் தமி ழர்களுக்கு உதவிக்கரம் நீட்டிய எம்.ஜி.ஆருக்கு நல்ல பெயர் வந்துவிடக் கூடாது என்ற காழ்ப்புணர்ச்சியால்தான் கருணாநிதி இராஜிநாமா செய்தார்

1991-ம் ஆண்டு இரண்டாம் முறையாக தி.மு.க. ஆட்சி கலைக்கப்பட்டது. வி.பி. சிங் தலைமையிலான அமைச்சரவையில் தி.மு.க. இடம் பெற்றிருந்தது. வி.பி. சிங் பதவி இழந்ததைத் தொடர்ந்து சந்திரசேகர் பிரதமரானார்

வி.பி. சிங்கோடு நெருக்கமாக இருந்தார் என்பதற்காக, ராஜீவ்காந்தி ஆசியோடு தி.மு.க. அரசு அப்போது கலைக்கப்பட்டது. அதற்கு சொல்லப்பட்ட பல காரணங்களில் விடுதலைப் புலிகளை அடக்க கருணாநிதி தவறிவிட்டார் என்பதும் ஒன்றாகும்

ஆனால் விடுதலைப் புலிகள் அமைப்பு அப்போது இந்தியாவில் தடை செய்யப்பட்ட இயக்கமல்ல. எனவே ஆட்சி கலைப்புக்கு மத்திய அரசு கூறியது உண்மையான காரணமல்ல.

1980-ம் ஆண்டில் இந்திரா காந்தி உதவியோடு எம்.ஜி.ஆர். ஆட்சியை கருணாநிதி கலைத்தார். அதே காரணத்தால்தான் 1991-ல் ராஜீவ்காந்தியின் உதவியோடு தி.மு.க. ஆட்சியும் கலைக்கப்பட்டது எனவே இரண்டு முறை தி.மு.க ஆட்சி கலைக்கப்பட்டதற்கும் உள்ளூர் அரசியல், தில்லியில் ஏற்பட்ட அதிகார மாற்றங்கள் மற்றும் அப்போது ஏற்பட்ட கூட்டணி மாற்றங்கள் உள்ளிட்டவையே காரணம்

ஆகவே ஈழத் தமிழர்களுக்காக இரண்டு முறை ஆட்சியை பலி கொடுத்தவர்கள் நாங்கள் என்று இனி மேலும் கருணாநிதி கூறினால், அதை யாரும் ஏற்கமாட்டார்கள் என ராமதாஸ் கூறியுள்ளார்.

தி . மு .காவின் இனத்துரோகம்! (சாகும்போது கூடவா பெரியண்ணான் )

2009-04-05T18:02:00.004+03:00

திருவண்ணாமலை தொகுதி பா.ம.க வெற்றி வேட்பாளர் காடுவெட்டி குரு

2009-03-30T10:24:00.007+03:00

திருவண்ணாமலை தொகுதி பா.ம.க வேட்பாளர் காடுவெட்டி குரு அரசியல் -வாழ்கை குறிப்பு.,

பெயர்: ஜெ.குரு (எ) குருநாதன்.

வயது:: 45.

சொந்த ஊர்: காடுவெட்டி, உடையார்பாளையம் தாலுகா, அரியலூர் மாவட்டம்.

கல்வித்தகுதி: பி.யு.சி.,

இனம் : வன்னியர்

குடும்பம்: மனைவி சொர்ணலதா, மகள் விருத்தாம்பிகை, மகன் கனல் அரசன்.

பெற்றோர்: முன்னாள் ராணுவவீரர் ஜெயராமன், கல்யாணி.

தொழில்: விவசாயம்

அரசியல் அனுபவம்: ஆரம்பம் முதல் வன்னியர் சமுதாய மேம்பாட்டில் ஈடுபாடு கொண்டு பா.ம.க., நிறுவனர் ராமதாஸ் வழிகாட்டுதல் படி செயல்பட்டு வருகிறார். 1996, 2006ம் ஆண்டுகளில் ஜெயங்கொண்டம் சட்டசபை தொகுதியில் போட்டியிட்டு தோல்வியடைந்தார். 2001ம் ஆண்டு ஆண்டிமடம் சட்டசபை தொகுதியில் போட்டியிட்டு வெற்றி பெற்றார்.

கட்சி மற்றும் சங்கப் பதவிகள்: பா.ம.க., பெரம்பலூர், அரியலூர் மாவட்ட செயலர், வன்னியர் சங்கத்தின் உடையார்பாளையம் தாலுகா செயலராக பணியாற்றினார். தற்போது வன்னியர் சங்கத்தின் மாநிலத் தலைவர் மற்றும் வன்னியர் சமூக கல்வி அறக்கட்டளை செயலராக உள்ளார்.

சிறப்பு தகுதி: வன்னியர் சங்க மேம்பாடு மற்றும் தனி அரியலூர் மாவட்டம் கோரி நடந்த போராட்டத்தில் முன்னின்று செயல்பட்டவர். வன்னியர் சமூக இடஒதுக்கீடுக்காக நடந்த மாநில அளவிலான போராட்டத்தில் முக்கிய பங்காற்றினார்.

பலம்: மாநிலம் முழுவதும் உள்ள வன்னியர் சமூக மக்களின் நம்பிக்கையாளராக உள்ளார்.

பலவீனம்: வெளிப்படையாக பேசி கூட்டணி கட்சிகளின் எதிர்ப்புகளை சம்பாதிப்பது.

தமிழனின் உளவுரமும்!! ,வல்லாதிக்க வெரிநாய்களும் ?!

2009-03-29T17:56:00.008+03:00

இருபது ஆண்டுகளாக,விளிம்புநிலை மக்களாக போராடிக்கொண்டிருக்கும் உலக தமிழரோடு இந்த பாமரன்.உணர்ந்து வருவதும் .செய்யப்போவதும் (பாமக கைங்கர்யத்தால் ).

௧.ஏழுகோடி தமிழ் இதயங்களை கொண்டு வாழும் ஹிந்திய திருநாட்டில்! (பாரதம்!).ஏன் தமிழர்களை ,தமிழனின் உளவுரனை ரொம்பவும் சோதிக்கிறார்கள்?.

௨.தமிழன் , தமிழின ஒற்றுமையை யாரிடம் விற்றான் ?,எவ்வளவுக்கு விற்றான்?,எப்போது விற்றான் ?.

௩.கோடரிக்காம்புகள் யார்யார் ?எவ்வாறு உருவாகின்றனர் ?
௪. தமிழ மரபு அவன் போர்கள வெற்றிகளை வீழ்துகிறதா ? அல்லது பாரில் மனிதர்களே இல்லையா?
௫.எதிர்கால மக்களளட்சி ஹிந்திய தமிழர்கள்ளுக்கு குறிப்பால் உணர்த்துவது என்ன ?
௬.தமிழர்களின் எதிர்வினைகள் என்னவாக இருக்கும் ?
௭.ஹிந்திய துணைக்கண்டத்தில் தமிழர்கள் எப்படி இருக்கவேண்டும் என வல்லாதிக்க வெறிநாய்கள் எதிர்பார்கின்றனர் ?
சரி இப்படி இனி குழப்பி கொண்டிருப்பதை விட்டுவிட்டு ,

சற்று விபரமாக கிழ்கண்ட கட்டுரையை படித்து தெளிக

நன்றி:-http://www.tamilnation.org/intframe/tamil_nadu/081009going_eelam_way.htm

தமிழ்நாட்டை" target="_self">தமிழ்நாட்டை " தெற்கு காஷ்மீரமாக்குவது " இந்திய நலனுக்கு உகந்ததா? - தமிழ்நாட்டில் இருந்து நாட்டேரி அடிகள் - Tamil Translation by M.Thanapalasingham

பாகம் 1

1965 ஆம் ஆண்டு பலம்வாய்ந்த புதுடெல்லியின் இராணுவ நடவடிக்கைகைக்கான சாத்தியத்தை தமிழ்நாடு எதிர்நோக்கியபோது, பல அரசுகளைக் (தேசங்களை ) கொண்ட தளர்ச்சியான கூட்டாட்சி அமைப்புக்கான தன் வேண்டுகோளை அண்ணாத்துரை கைவிடலானார். இவர் கேட்ட கூட்டாட்சி ஒரு நாணயத்தை, ஆனால் பல்இன கலாசாரத்துடனான தேசிய அடையாளம் கொண்ட முழுமையான அதிகாரங்களுடனான அமைப்பாகும்.

இன்று தமிழ்நாடு பல கூட்டு நிகழ்வுகளின் உச்சமாக புரட்சிகரமான அரசியல் மாற்றங்களை நோக்கி நகர்வதுபோல் தோற்றம் அளிக்கின்றது. இரு முக்கிய திராவிட அமைப்புக்களான ,மூன்று தடவைகள் முதல் அமைச்சரான எம்.கருணாநிதியின் தலைமையிலான திராவிட முன்னேற்றக் கழகமும் (தி.மு.க) முன்னர் இரு தடவைகள் முதலமைச்சரான ஜெயலலிதாவின் தலைமையிலான அகில இந்திய அண்ணா திராவிட முன்னேற்றக் கழகமும் (அ.இ.அ.தி.மு.க) தமிழ் மக்களை சமாளிக்கமுடியாத கொதிப்பிற்கு ஆளாகியுள்ளனர். இருவருமே தமிழர்களின் இலட்சியத்திற்கு துரோகம் இழைத்து விட்டனர் என்ற பொதுவான கருத்தால் இரு தலைவர்களுக்கும் எதிரான அதிருப்தி உச்சநிலையை எட்டுகின்றது. அடிபணிய மறுக்கும் தமிழ் மக்களுக்கு எதிரான இலங்கை அரசின் அண்மைய குரூரமான இராணுவ நடவடிக்கை தமிழ் நாட்டில் ஒரு கொந்தளிப்பினை ஏற்படுத்தி உள்ளது.

கொழும்பில் இருந்து வரும் அறிக்கைகளின்படி ,தமிழீழ விடுதலைப் புலிகளின் கட்டுப்பாட்டில் உள்ள பிரதேசத்தை நோக்கி இலங்கை இராணுவம் நெருங்கி வருகின்றது. கிளர்ச்சியாளர்களிகன் தற்போதைய அரசியல் அதிகார மையமான கிளிநொச்சி இலங்கை அரசின் கைகளில் விழலாம். ஆனால் அடக்கு முறைக்கு எதிரான போராட்டம் முடிந்து விடும் எனக் கூறமுடியாது. இத்தோடு ஏதாவதைக் கூறுவதாயின் பாகிஸ்தானின் வடமேற்குப்போல் தமிழ் நாடும் யுத்தகளமாக மாறும் அபாயம் உள்ளது.

சுவாரசியம் என்னவெனில் தமிழ் நாட்டை மாறிமாறி ஆளும் இந்த இரு அமைப்புக்களும் அண்ணாத்துரையால் தாபிக்கப்பட்ட திராவிட முன்னேற்றக் கழகத்தின் இலட்சியங்கள் மீது உறுதி எடுத்துக் கொள்வதாகும். புதுடெல்லியில் கூட்டாட்சியும் மாநிலங்களுக்கு சுய ஆட்சியும் வேண்டிப் போராடுவதே அண்ணாத்துரையின் நோக்கமாகும். இவர் இந்தியாவை இன்றுள்ள ஜரோப்பாவைப் போல் இனம் கண்டார். இந்த அமைப்பை ஒரு நாணயத்துடன், பல் இன, கலாசார, மொழிகளுடனான தேசிய அடையாளங்களைக்கொண்ட (பல தேசங்களின் ) கூட்டாட்சியாகக் கண்டார். ( இந்தக் கருத்து இன்று மகாராச்திர நவ்நர்மன் சேன உட்பட பல பிராந்தியக் கட்சிகளால் முன்னெடுக்கப்படுகிறது)

எஞ்சியுள்ள திராவிட முன்னேற்றக் கழகத்தின் இன்றைய தலைவர்கள் போலல்லாது அண்ணாத்துரை உயர்ந்த படிப்பாளியாகவும், புலமைசான்றவராகவும், துஃரநோக்குக் கொண்ட சிந்தனையாளராகவும் விளங்கினார். 1965 ஆம் ஆண்டு பலம்வாய்ந்த புதுடெல்லியின் இராணுவ நடவடிக்கைகைக்கான சாத்தியத்தை தமிழ்நாடு எதிர்நோக்கியபோது சுயாட்சிக்கான தன் கோரிக்கையை அவர் கைவிட்டார். சக்திவாய்ந்த எதிரிக்கு முன்னால் இவர் புத்தியாக ஹைதரபாத்த்துக்கு அல்லது கோவாவிற்கு நேர்ந்த கதியை தவிர்த்துக்கொண்டார். அல்லது 1980 களில் இருந்து சிறீலங்காவில் இடம் பெறுவது போன்ற இனப்படுகொலை அடக்குமுறைக்கான ஆபத்தை தவிர்த்துக்கொண்டார்.

அன்றில் இருந்து தமிழ்நாடு திமுக அல்லது அதிமுக ஆல் எப்போதும் (அதன் கூட்டாளிகளுடன் எந்த வித அதிகாரத்தையும் பகிராது) ஆளப்பட்டு வருகிறது. மற்றக் கட்சிகளுடனான கூட்டமைப்பு ஆசனப் பகிர்விற்கான தேர்தல் கூட்டாக மட்டும் நின்று விடுகிறது. தமிழ் நாட்டில் உள்ள இந்திய கம்யுனிஸ்ட் கட்சியினதும் இந்திய கம்யுனிஸ்ட் மாக்சிஸ்ட் கட்சியினதும் தொண்டர்களும் தலைவர்களும் கூட " மாநிலச் சுயாட்சி, மத்தியில் கூட்டாட்சி " என்ற அண்ணாத்துரையின் இலட்சியத்தை ஏற்றுள்ளனர். இரு முக்கிய தேசியக் கட்சிகளான காங்கிரசும், பாரதிய ஜனதாக் கட்சியும் தமிழ் நாட்டில் வெறும் பெயரளவிலான இருப்பையே கொண்டுள்ளனர். தங்கள் கட்சிக்கான ஆசனங்களைப் பெறுவதற்காக பெரும்தொகைப் பணத்தை முதலிடுவதே இவர்களது பங்காகும்.

நீண்ட காலமாக ஆழ்வதால் வந்த பூரணமான அதிகாரம் இரு கட்சிகளையும் தவிர்க்க முடியாதவாறு ஆதிக்கவெறிக்கும் கொடும்கோன்மைக்கும் இட்டுச் சென்றுள்ளது. உயர் மட்டத்தில் ஊழல்கள், அவர்களின் நண்பர்களால் குவிக்கப்படும் கணக்குக் காட்டாத சொத்துக்கள், மூத்த தலைவர்களிடையான சண்டைகள் எனபன பற்றிய குற்றச்சாட்டுகள் கடுமையாகப் பேசப்படுகின்றன. கலைஞர் கருணாநிதியும், அம்மா ஜெயலலிதாவும் ஒருவரை ஒருவர் அறுக்கும் செயல்களில் ஈடுபடுவது தெரிந்ததே. இவர்கள் இருவரும் ஒருவரையொருவர் விழுத்துவதற்காகவும் திடஷர் சோதனைகளின் மூலம் நெருக்குதலை கொடுப்பதற்காகவும், அதிகாரத்தில் இல்லாதபோது சிறையில் தள்ளுவதற்காகவும் புதுடில்லியில் எந்தக் கட்சி அதிகாரத்தில் இருக்கிறதோ அந்தக் கட்சியுடன் உடன்பாடுகள் செய்துள்ளனர்.

இதனால் பல தலைவர்கள் இக் கட்சிகளில் இருந்து பிரிந்து தமக்கான கட்சிகளாக மறுமலர்ச்சி திராவிட முன்னேற்ற கழகம் (மதிமுக) பாட்டாளி மக்கள் கட்சி (பாமக) தேசிய முற்போக்கு திராவிட கழகம் (தேமுதிக) இலட்சிய திராவிட முன்னேற்ற கழகம் (இதிமுக) போன்ற கட்சிகளை உருவாக்கி உள்ளனர். இவர்கள் எல்லோருமே மூல திராவிட முன்னேற்ற கழகத்தின் இலட்சியங்களின் மீது சத்தியப் பிரமாணம் செய்துள்ளனர். இந்த வரிசையில் சுப்பஸ்ரார் றஜனிகாந்தின் விசிறிகளால் துவக்கப்பட்ட எம்டிடிஎம்கே என்பது அண்மைய கட்சியாகும். இது சந்தர்ப்பவாதிகளின் முள்ளம்தண்டில் விறைப்பினை பாய்ச்சியுள்ளது.

தமிழ் நாட்டில் இன்று நிலவும் யதார்த்தம் என்னவெனில், பெரும்பாலும் எல்லாத் தமிழர்களும் அவர்கள் (எந்த மதத்தை அல்லது சமுதாயப் படிகளைக் கொண்டிருந்தாலும்) தமிழ் பேசும் மற்றைய தமிழர்கள் எங்கு வாழ்ந்தாலும் எந்த மதத்தை சார்ந்திருந்தாலும் அவர்களுடன் அடிப்படையான இன உறவைக் கொண்டுள்ளமையாகும். இது ஒரு வகையில் மலையாளிகளுக்கும் பொருந்தும். இவர்களது அடையாளம் மதங்களைக் கடந்ததாகும். இவர்களால் கூட்டான அடையாளமாக இனம் காணப்படும் இந்தியா, பிரித்தானிய இந்தியா முழுவதையும் உள்ளடக்கும். புதுடில்லியில் உள்ள அதிகார மையம் நிர்வாக வசதிக்கான மையம் மாத்திரமே. இது அவர்களது இன உணர்விற்கும் தன்மானத்திற்கும் மேலானது அல்ல. அடுத்த பிறவியிலும் பறையர்களாக உழலும் அடிமைகளை ஆள்வதற்காக கடவுளால் தெரிவு செய்யப்பட்ட உயர்சாதியை சேர்ந்த கடுகளவான ஒரு சிறு உயர் குழாத்தினரே இந்த யுகத்தில்கூட "பாரத மாதாவாக " இந்தியாவை சித்தரிக்கின்றனர்.

புலிகளின் பின்னால் அணிதிரண்டுள்ள இலங்கைத் தமிழர்கள் மீது தமிழ்நாட்டுத் தமிழர்கள் அனுதாபம் உள்ளபோதும் தங்களுக்கு மட்டும் சேவை செய்யும் அரசியல்வாதிகளினதும் அவர்களின் அரசியலினதும் பகடக்காய்களாக இவர்கள் உள்ளனர். டெல்லியின் தலைவர்களின் சரியான பக்கத்தில் இருப்பதற்காக திராவிடத் தலைவர்கள், இலங்கை அரசாங்கம் தமிழர்களை அழிப்பதற்கு உடன்போகும், டெல்லியின் கொள்கைக்கு உடந்தையாக இருப்பதாகப் பார்க்கப்படுகிறார்கள். தவிரவும் பலன்தரா புவிசார் அரசியல் ஆசைகளுக்காக புதுடில்லி , தமிழ் நாட்டு மீனவர்களை கடலில் கண்டபடி கைதுசெய்தும், சித்திரைவதை செய்தும் கொலைசெய்தும் வரும் சிறீலங்கா இராணுவத்தின் பக்கம் இருப்பதாகக் காணப்படுகிறது.

தமிழ் இனத்திற்கு எதிரான இனப்படுகொலை யுத்தத்திற்கு புதுடில்லி அளித்து வரும் ஆதரவை உடனடியாக நிறுத்துமாறு தமிழ் நாட்டின் எல்லா அரசியல் கட்சிகளும் ஒன்றாக வேண்டியுள்ளனர். காந்தியியின் பிறந்ததின யிற்றான்டில் பெரும் ஆர்ப்பாட்டத்தையும் உண்ணா விரதத்தையும் இந்திய கம்யுனிஸ்ட் கட்சி (சிபிஜ) ஒழுங்கு செய்திருந்தது. தமிழ் மக்களுக்காக குரல் கொடுக்க மற்றைய கட்சிகள் எல்லாவற்றையும் அழைத்திருந்தனர். இந்த அணி மீனவர்களுக்கும் இலங்கைத் தமிழர்களுக்கும் தங்கள் தோழமையை வெளிக்காட்டியது. அத்தோடு சண்டைகளை நிறுத்தி சர்வதேச சட்டங்களை மதிக்குமாறு கொழும்பின் மீது அழுத்தத்தை பாவிக்குமாறு மத்திய அரசை வேண்டியது. நோர்வேயின் அனுசரணையுடன் புலிகளுடன் செய்யப்பட்ட யுத்த நிறுத்தத்தை சிறீலங்கா தன்னிச்சையாக முறித்துள்ளது.

இந்திய கம்யுனிஸ்ட் கட்சியின் தேசிய செயலாளர் டி.ராஜா இலங்கைத் தமிழ் மக்கள் மீது தொடர்ச்சியாக இராணுவ நடவடிக்கையில் ஈடுபடும் ஒரு மோசமான அரசு என குற்றம் சுமத்தியுள்ளார். அ, அதிமுக தாபகரான எம்ஜிஆர் ஆட்சுஹயில் இந்தியாவால் துவக்கப்பட்ட சிறீலங்கா பேச்சு வார்த்தைகளில் பங்காற்றிய பண்டுறுட்டி இராமச்சந்திரன் இதில் கலந்து கொண்ட முக்கிய பேச்சாளர்களில் ஒருவர்.

மதிமுக தலைவர் வைகோ, தமிழ் தேசிய இயக்கத் தலைவர் பி.நெடுமாறன் புலிகளை வெளிப்படையாக பயமின்றி ஆதரிக்கும் தொல் திருமாவளவன் ஆகியோர் பேசும்போது, திரளான மக்களால் கோசங்கள் எழுப்பி ஆதரிக்பட்டனர்.

இதற்கு ஜெயலலிதா ஆதரவு அளிப்பதாக உறுதி அளித்திருந்தார். ஆயின் காவி அணியினருடனான பேச்சுக்களின் பின்னர் கடைசி நேரத்தில் பங்கு பற்றுவதில் இருந்து விலகிக் கொண்டார். மத்திய சுகாதார அமைச்சர் அன்புமணியின் தந்தையான பாட்டாளி மக்கள் கட்சியின் சக்திவாய்ந்த டாக்டர் ராமதாஸ் தமிழக முதல்வரை வெளியே வந்து இலங்கைத் தமிழர்களுக்கு ஆதரவு தெரிவிக்குமாறு வலியுறுத்தியுள்ளார். தமிழர்களுக்கு எதிரான கொள்கைகளை நிறுத்துமாறு புதுடில்லி கட்டாயப்படுத்தப் பட வேண்டும் என இவர் கூறியுள்ளார்.

பெரும்பாலான தலைவர்கள் புலிகளையும் அவர்கள் தலைவரான வீரமும் உறுதியும் கொண்ட பிரபாகரனையும் வெளிப்படையாக வியந்து பாராட்டுகின்றனர். பொடா சட்டத்தின் கீழ் இடம்பெற்ற சோடனை வழக்கில் பிரபாகரனை இந்தியாவிற்கு நாடுகடத்த புதுடெல்கி வேண்டுகிறது. மர்மமான தற்கொலை குண்டு வெடிப்பில் கொல்லப்பட்ட முன்னைய பிரதமர் ராஜீவ்காந்தியின் கொலையில் பிரபாகரனை சம்பந்தப்படுத்தும் காங்கிரஸ் அரசின் கதை இனிமேல் எடுபடமாட்டாது.

கட்சிகளைக் கடந்த நிலையில் தானாகவே கிளம்பிய மக்களின் எழுச்சியைக் கண்டு திகைத்த அ,அதிமுக அக்ரோபர் 10 இல் இடம்பெறவுள்ள பேரணிக்கு ஆதரவு நல்குவதாக அறிவித்துள்ளது. (tamilnation.org -ஈழத் தமிழர்களின் சுயநிர்ணய உரிமையை ஜெயலலிதா அங்கீகரிப்பு ) இந்தப் பேரணி மதிமுக தலைவர் வைகோவினால் ஒழுங்கு செய்யப்பட்டது. இதன்போது புதுடெல்லியின் அதிகார ஆசனமான சென்னையில் உள்ள சாஸ்திரிபவன் முன்னே ஆர்ப்பாட்டம் ஒன்று இடம்பெற உள்ளது. முன்னைய முதலமைச்சர் ஜெயலலிதா இந்த ஆர்ப்பாட்டத்தில் தன் கட்சியின் ஒழுங்கமைப்பு செயலாளர் முத்துசாமி கலந்துகொண்டு உரையாற்றுவார் என வைகோவிற்கு உறுதி அளித்துள்ளார்.

பிரமாண்டமான மக்கள் எழுச்சியைக் கண்டு " பாரதமாதா " என்ற கருத்தியலின் அடிவருடிகள் கூட மலைத்துப்போனார்கள். பாரதிய ஜனதாக் கட்சியின் தமிழ் நாட்டு தலைவர் கணேசன் இலங்கைத் ©வில் இடம் பெறும் முரண்பாட்டுக்கு அரசியல் ©ர்வினைக் காண மத்திய அரசினை தலையிடுமாறு திமுக வலியுறுத்தவேண்டும் எனக் கேட்டுள்ளார். தமிழ்நாட்டு காங்கிரஸ் தலைவர் கே.வி தங்கவேலு இந்தக் காரியத்தில் தம்மைப் புறம்தள்ள வேண்டாம் எனக் கூறியுள்ளார். இது சம்பந்தமாக டெல்கிக்கு சகல கட்சிகளின் தூதுக்குழுவிற்கு தான் தலைமைதாங்க முன்வந்துள்ளார்.

எண்பதை அடைந்துள்ள முதலமைச்சர் கருணாநிதி தன் அரசாங்கத்தை விழுத்தக்கூடிய மக்களின் கோபத்தின் ஆழத்தைப் புரிந்து கொண்டார். இன அழிப்பில் புதுடெல்லியின் கண்டும் காணாததுபோல் இருக்கும் நிலைப்பாட்டிற்கு வெட்கமின்றி ஒத்துப்போனவராக கருணாநிதி பார்க்கப்படுகிறார். தனது அச்சுறுத்தும் நீண்ட மௌனத்தைக் கலைத்துக்கொண்ட இவர் சிறீலங்கா அரசாங்கத்துடன் ஓத்துப்போவதை நிறுத்துமாறு மன்மோகன்சிங்கிக்கு இலட்சக்கணக்கில் தந்திகள் அனுப்புமாறு தன் ஆதரவாளர்களை வேண்டியிருந்தார். இதன் பின் இவர் மன்மோகன்சிங்குடன் பேசினார். அதன்போது " தங்கள் வேண்டுகோளை வேதனையின் அழைப்பாகவும் தேசிய முக்கியத்துவம் வாய்ந்ததாகவும் எடுக்குமாறு மத்தியை வேண்டிக்கொண்டார்.

தமிழ் நாட்டின் சுஸ்ரீட்டினை தணிக்கும் பொருட்டு சிறீலங்காவின் தூதுவரை அழைத்து அங்கு இடம் பெறும் இராணவ நடவடிக்கைகளால் அதிகரித்துஈசுல்லும் நிராயுதபாணிகளான தமிழ் மக்களின இழப்புக்கள் பற்றி " இந்தியாவின் ஆழமான கரிசனையையும் கவலையையும் தெரிவிக்குமாறு " தேசிய பாதுகாப்பு ஆலோசகர் எம. கே நாராயணன் பணிக்கப்பட்டார். இந்த ஆலோசகர் " பாதிக்கப்பட்ட மக்களுக்கான அடிப்படை பொருட்கள் அனுபப்படுவது எந்த வகையிலும் தடைப்படக்கூடாது" என ஆலோசனை வழங்கியுள்ளார்.

பயனற்ற வார்த்தை ஜாலங்கள் வெறும் சத்தங்களே அன்றி அவற்றால் ஒரு பலனும் இல்லை என்ற குற்றச்சாட்டிற்கு பதில் கூறுவதுபோல் ஊசலாடிக்கொண்டிருக்கும் ஜக்கிய முன்னணி கூட்டணியில் இருந்து வெளியேறும் ஒரு மறைவான அச்சுறுத்தலை இவர் விட்டுள்ளார்.

" சிறீலங்காவின் தமிழர்களுக்கு எதிரான இந்தக் கொடுமைகள் நிறுத்தப்படாவிடில் இந்த அரசாங்கம் எமக்குத் தேவைதானா என்ற கேள்விக்கு நாங்கள் பதில் தேட வேண்டும் " என இவர் கூறியுள்ளார். இந்தக் கூட்டம் இதை உங்களுக்கு கூறுவதற்கே என்பதை நான் மிக அடக்கமாகக் கூறுகின்றேன்.

புதுடெல்லியில் இருக்கும் தலைக்கனம் கொண்ட தூரநோக்கான திட்டங்களை ©ட்டுவோர் (அவர்களில் சிலர் வழமையாக தமிழ் நாட்டவர், ஆயின் துரோகிகளாகவும் கருங்காலிகளாகவும் பார்க்கப்படுபவர்) தமிழ் நாட்டை ஈழத்தின் வழியில் தள்ளுகிறார்களா ? அக்ரோபரில் இடம்பேற்றவை தெற்கில் புதுடெல்கி ஒரு கா~;மீரத்தை உருவாக்குகிறதா என்பதைத் ©ர்மானிக்கும்.

தமிழ் நாட்டில் இதுவரை இல்லாத ஒரு பலவீனமான அரசாங்கத்திற்கு கருணாநிதி தலைமை தாங்குகிறார். தமிழ் மக்களுக்கு எதிரான இனப் படுகொலைக்கு துணைபோகும் மத்தியின் கொள்கைகளுக்கு எதிராக அக்ரோபர் 14 இல் கருணாநிதியால் கூட்டப்படும் சர்வ கட்சிக் கூட்டத்தை வெறும் கண் துடைப்பு என எதிர்கட்சியினர் கூறுகின்றனர்.

பாகம் 11

தெற்கில் உள்ள சிறிய நாடான இலங்கையால் அக்ரோபர் 10 ஆம் திகதி இந்தியா அவமதிக்ப்பட்டது ஒன்றும் புதிதானதல்ல. அது இந்தியாவிற்கு வேண்டியதே. தன்னை ஓர் உயர்ந்த நாடாக வரித்துக் கொண்டு அணுவாயுதத்தை காட்டியவாறு பிராந்திய நாடுகள்மீது தனது ஆதிக்கத்தைச் செலுத்தக் கனவு காணும் ஒரு நாடு இப்படியான அவமதிப்பை அனுபவிப்பது தவிர்க்க முடியாதது. இலங்கை ஜனாதிபதி ஜே.ஆர். ஜெயவர்த்தனா, இந்தியத் தூதர் ஜே.என். ©க்~pத்தின் தகுதிகளைப் பரி¥லிப்பதற்குத் தாமதம் செய்ததையோ, அல்லது இலங்கை ஜனாதிபதியின் உபசரிப்பில் தன்னை மறந்த இந்தியப் பிரதமர் ராஜீவ் காந்திக்கு அளிக்கப்பட்ட வரவேற்பணிவகுப்பில் அவர் பெற்ற பரிசை, உலக ஊடகங்கள் பறைசாற்றியதையோ மறக்க முடியுமா?

ஜனாதிபதி ராஜபக்ஸ, அல்ஜஸீராவுக்கு அளித்த பேட்டியிலே, பயங்கரவாதிகளை முற்று முழுதாக ஒழிக்கும்வரை வடபகுதிப் பிரதேசங்களில் குண்டுபோடுவதைத் தாம் நிறுத்த முடியாதென்றும் , அதன் பின்னரே அரசியல் ©ர்வுபற்றிச் சிந்திக்க முடியும் என்றும் கூறியிருக்கிறார்.

" அப்பாவி மக்கள் போரிலே, பாதிக்கப் படுவதைப்பற்றி புதுடில்லி காட்டும் கரிசனையையும், அரசியல் ©ர்வுபற்றி ஆலோசனை வழங்குவதையும் " அவர் ஏளனமாகப் பேசவும் தவறவில்லை.

" பயங்கரவாதிகளுக்கு எப்படித் தனி அரசு வழங்க முடியும் " என கடந்த 25 ஆண்டு காலமாக இலங்கை அரசுகள் பாடிய ஒரே பல்லவியையே இவரும் ஒப்புவித்தார். " போரின் இறுதிக் கட்டத்தை நெருங்கிக் கொண்டிருக்கும் இவ்வேளையில் அவர்கள் சரணடைவதுதான் ஒரே வழி " என்று மேலும் முழங்கினார்.

இதற்கு முதல்நாள் றோகித போகலகம பாராளுமன்றத்திலே கூறியதையும் கவனத்தில் கொள்ளவேண்டும். " இந்திய வெளிவிவகார ஆலோசகர் எம்.கே நாராயணன் இலங்கைத் துணைத் தூதுவரை அழைத்து " இந்தியாவின் ஆழ்ந்த கவலையைத் தெரிவித்துள்ளார் என்றார். சர்வதேசம் , இலங்கை அரசின் கொள்கையை ஆதரித்து, பயங்கரவாதத்தை ஒட்டுமொத்தமாக ஒழிக்க முற்படுவதே அதன் கடமை என்று மேலும் வற்புறுத்திக் கூறினார். இந்தப் பின்னணியில் சமஸ்டி ஆட்சி பற்றிய தமது கருத்தை, கைவிட வேண்டும் என்பதைப் புதுடில்லியில் உள்ள அதிகாரவர்க்கம் உணருவது அவசியம்.

சமூக பொருளாதார முன்னெடுப்புக்களில் இந்தியாவை விடப் பலமடங்கு தோல்வியைத் தழுவியுள்ள இலங்லை அரசின் ஒற்றை ஆட்சுஹ முறையை இந்தியா ஆதரிக்கிறது. 60 ஆண்டுகாலம், சாதனைகளற்ற ஒற்றை ஆட்சிமுறையைத் தொடர்ந்து செயாற்றியது ஒன்றே இலங்கையின் ஒரே தகுதி என்பதுதான் பொருத்தம்.

ஒற்றை ஆட்சியின் கீழ் சிறுபான்மை இனக் குழுக்களின் அபிலாசைகளை முளையிலேயே கிள்ளிவிட முடியும். என்பது ஒற்றை ஆட்சியை ஆதரிக்கும் இந்திய அதிகார வர்க்கத்தின் நோக்கமாகும்.

எத்தனையோ தடவை இலங்லை அரசினால் அவமானப்படுத்தப்பட்ட போதிலும். இந்திய அதிகார வர்க்கம் தொடர்ந்தும் இலங்கைக் கொடுங்கோலர்கள் முன் மண்டியிட்டு வருகிறார்கள்.
தமிழ் மக்களின் எதிர்ப்பைச் சந்திக்கும் முதலமைச்சர் கருணாநிதியைக் காப்பாற்றும் நோக்கிலே, பாராளுமன்றத்திலே , இந்தியப் பிரதமர் மன்மோகன் சிங் , வெறும் வாய்ச் சொற்களைத் தவிர வேறொரு முயற்சியும் எடுப்பதாகத் தெரியவில்லை.

பலகோடி டொலர்களை லாபமாகப் பெறும் ஒரே நோக்குடன் அமெரிக்காவுடனான அணுசக்தி ஒப்பந்தத்தை நிறைவேற்றி தனது சகாக்களைத் திருப்திப் படுத்தும் முயற்சியில் ஈடுபட்டுள்ள பிரதமருக்கு இவற்றிற்கு நேரமேது?

அதிமுக வின் எதிர்ப்பின் முன் கருணாநிதியின் அரசு, தமிழ்நாட்டிலே பலவீனமடைந்து வருகிறது. மத்தியிலே காங்கிரஸ் அரசு, முதன் முதலாக இப்பொழுதுதான் வேறொரு கட்சியின் தயவை நாடி நிற்கிறது.

ஆட்சியைப் பங்குபோட விரும்பும் தமிழக காங்கிரஸ் கட்சியின் அதிகாரக் கும்பலின் மத்தியில், தி.மு.க தனது நிலையைத் தக்க வைப்பதற்காகப் பெரும்பாடு படுகிறது.

ஈழத் தமிழ் மக்களுக்கு எதிரான இராணுவ வன்முறையைக் கண்டித்து, அக்ரோபர் 2ம் நாள் அகில இந்திய கம்யுனிஸ்ட் கட்சி கூட்டிய பேரணியின் வெற்றியைப் பார்த்த பின்னரே தி.மு.க தலைவர் தாமும் போராட்டத்தில் குதித்துள்ளார்.

பிரதமர் மன்மோகன் சிங்கிற்கு இலட்சக்கணக்கான தந்திகளை அனுப்புமாறு கூறியதும், நாராயணன் கவலை தெரிவித்ததும் கேலிக் கூத்தாக மாறியுள்ளது.
அக்ரோபர் 10ம் நாள் வை.கோவின் மாபெரும் கண்டன ஆர்ப்பாட்டத்தின்முன் கருணாநிதி ஆடிப் போய்விட்டார்.

இலங்கை அரசு, விமானத்தாக்குதல், இராணுவ நடவடிக்கை மூலம் (கிளிநொச்சியை) தமிழீழத் தலைநகரை நோக்கி நகரும் இவ்வேளையில், முதலமைச்சர் சர்வகட்சிக் கூட்டத்தைக் கூட்டுவது ஒரு நாடகமாகவே பார்க்கப்படுகிறது. புதுடெல்லி, தாமே தமிழ்த் தலைவர்கள், ஆரியரின் வழித்தோன்றல்கள் என்று கருதும் சிலரைத் தவிர தமிழ் நாட்டு மக்கள் இதனை ஆதரிக்கவில்லை.

ம.தி.மு.க தலைவர் வை.கோ அ.தி.மு.க தோடு கூட்டுச் சேர்ந்துள்ளார். ஒரு காலத்தில் வை.கோ ,தி.மு.க தலைவர் கருணாநிதியின் நெருங்கிய நண்பர். இன்று அவரின் பிரதான எதிரி. வேறு அணியினரோடு கூட்டுச் சேர்ந்திருந்தாலும் , விடுதலைப் புலிகளை எப்போதும் ஆதரிக்கும் வை.கோ தனது நிலையில் உறுதியாக உள்ளார். விடுதலைப் புலிகள் இயக்கத் தலைவர் பிரபாகரனைச் சந்திப்பதற்காக அவர் ஈழம் வரை சென்று வந்தவர்.

விடுதலைப் புலிகளின் தலைவருக்கு ஒரு நாட்டின் தலைவராகும் எல்லாத் தகுதியும் உள்ளது. ஆனால் புதுடெல்கி அவரை சிறைப்பிடித்து நாடு கடத்த வேண்டுமென்று கேட்கிறது (உயிரோடு பிடிக்க முடிந்தால் ).

வை.கோ ஜெயலலிதாவோடு கூட்டுச் சேர்ந்தது பெரியதோர் அரசியல் தந்திரம் என்றே கொள்ள வேண்டும். மத்திய அரசிற்கு எதிராக, விடுதலைப் புலிகளை ஆதரிக்குமாறு மக்களை தூண்டிய குற்றத்திற்காக ஜெயலலிதா அரசு வை.கோவை சிறையில் அடைத்தது. அப்போது மத்திய அரசு வை.கோவுக்கு உதவி செய்ய முடியாமல் பார்த்துக் கொண்டிருந்தது. ஆனால் இதே புதுடெல்கி அரசு காங்கிரசின் உதவியுடன் கருணாநிதி , ஜெயலலிதா அரசுகளைக் கலைத்தது.

" முன்னைய பிரதமர் ராஜீவ் காந்தி உட்படப் பல அப்பாவிப் பொதுமக்களைக் கொன்று குவித்த விடுதலைப் புலிகள் " என்று விடுதலைப் புலிகள்மீது போர்க்கொடி தூக்கிய ஜெயலலிதா இன்று தனது முன்னைய நிலையில் இருந்து மாறி , விடுதலைப்புலிகளை ஆதரிப்பதாகத் தெரிகிறது.

" தமிழ் மக்களின் சுயநிர்ணய உரிமை, சிங்களச் சகோதர்களோடு கல்வி ,வேலைவாய்ப்பு ஆகியவற்றில் சம உரிமை, சமஸ்டி ஆட்சிமுறையில் தமிழருக்கு தனியாட்சி " ஆகியவற்றைத் தாம் ஆதரிப்பதாகவும், இந்தியா இலங்கைக்கு இராணுவ உதவி வழங்குவதை எதிர்ப்பதாகவும் " ஜெயலலிதா கூறியிருக்கிறார்.

வை.கோ கூட்டிய பேரணியைத் தடுத்தவர்களைச் சாடியதுடன் , தமிழ் மக்கள் படுகொலை செய்யப்படுவதைப் பார்த்துக்கொண்டு வாளா இருந்த முதலமைச்சருக்கு சர்வ கட்சி மகா நாட்டைக் கூட்டுவதற்கு தகுதியில்லை என்றும் கண்டித்துள்ளார்.

இலங்கைக்கு இராணுவ உதவி வழங்கும் கூட்டணி அரசை ஆதரிக்க முடியாதெனவும், அக்ரோபர் 14ம் நாள் கூடவுள்ள சர்வகட்சி மகாநாடு வெறும் கண்துடைப்பே என்றும் ,எனவே அதனைப் புறக்கணிப்பதாகவும் மேலும் கூறியுள்ளார்.

இலங்கையில் செத்து மடியும் ஒவ்வொரு தமிழ் மகனின் மறைவுக்கும் தி.மு.க, வே பொறுப்பு என்றும் ,இலங்கை அரசுக்கு வழங்கிய ராடார் முதலியவற்றை வாபஸ்பெற வேண்டும் என தான் பிரதம மற்திரிக்கு கடிதம் எழுதியுள்ளதாகவும் வை.கோ கூறியுள்ளார். கடிதத்தில் இவை மக்களைக் கொல்லுவதற்கு உதவியுள்ளன எனத் தான் குறிப்பிட்டுள்ளதாகவும் மேலும் கூறுகிறார். அப்படி மக்களை அழிக்க அவை பயன்பட்டிருந்தால் ,அவற்றைத் தாம் திரும்பிப் பெறுவதாக பிரதமர் உறுதியளித்துள்ளார்.

இருந்தபோதுயும் மக்கள் குடியிருப்புகள் மீது விமானப்படை குண்டு பொழிவது தொடர்கிறது. செஞ்சிலுவைச் சங்கத்திலிடாக மருந்து மற்றும் உணுவுப் பொருட்கள் அனுப்புமாறு தான் கடந்த 18 மாதங்களாகத் தொடர்ந்து வேண்டியதும் செவிமடுக்கப்படவில்லை என்கிறார் வை.கோ.

இலங்கையின் இறையாண்மையைப் பாதுகாக்கின்றோம் என்று இந்தியாவின் இறையாண்மையையும் ,தேசிய ஒருமைப்பாட்டையும் இழந்துவிட வேண்டாம் என்று கருனாநிதியையும் ,மன்மோகன்சிங்கையும் வை.கோ எச்சரிக்கை செய்கிறார்.

"மத்திய அரசோ எனில் தமிழின அழிப்புக்கு கொழும்பு ஆருசடுனஃ சேர்ந்து துணைபோகிறது. மாநில அரசோ வெறும் கண்துடைப்பு நாடகம் ஆடுகிறது. ' என்றும் வை.கோ கூறினார்.

மத்திய அரசிலே உதவி அமைச்சராக இருக்கும் தமிழரான திரு வி. நாராயணசுவாமி என்பார் தடை செய்யப்பட்ட பயங்கரவாத இயக்கமான விடுதலைப் புலிகள் இயக்கத்தை வெளிப்படையாக ஆதரிக்கும் ம.தி.மு.க தடை செய்யும் படி அரசுக்கு வேண்டுகோள் விடுத்துள்ளார்.

ராஜீவ் காந்தியின் கொலைபற்றிய செய்தி மீண்டும் தலைதூக்குவதை தமிழ்நாடு காங்கிரஸ் கட்சி விரும்பவில்லை. இந்தக் கொலைக்கு விடுதலைப் புலிகள் மீது பழிசுமத்திய ஜெயலலிதா இப்பொழுது " இரண்டு பக்கத்திலும் பலர் இறக்கக் காரணமான ஆயதக் கலாசாரத்தை எதிர்க்கிறேன். ஒரு பிரதமர் தனது மண்ணிலேயே கொலையுண்டார் " என்று பேசிய பொழுது விடுதலைப் புலிகள் பற்றிக் குறிப்பிடவில்லை.
புதுடெல்லி அதிகாரிகளின் தவறான வழிகாட்டலில், இலங்கைக்கு அமைதிப் படையை அனுப்பி அங்கே விடுதலைப் புலிகளை அடக்கி தமக்குச் சாதகமான ஓர் அரசை நிறுவ முயன்ற ஒரு பிரதமரின் தொலை நோக்கற்ற செய்கையின் பலனை ஜெயலலிதா சுட்டிக் காட்டியுள்ளார்.

அமைதிப் படையாக அனுப்பப்பட்ட இந்திய இராணுவத்தால் தமிழ் மக்கள் அனுபவித்த கொடுமைகள் பல. தமது மணவிடுதலைக்காகப் போராடிய வீரர்களால் மாபெரும் இந்திய இராணுவத்திற்கு ஏற்பட்ட தோல்வி அளப்பரியது.

பிரபாகரனையும் விடுதலைப் புலிகளையும் இதில் சம்பந்தப்படுத்தி ,தடா சட்ட மூலம் 24 அப்பாவித் தமிழ் மக்கள் மிது போலிக் குற்றங்களைச் சுமத்தவே இது உதவியுள்ளது. இக்கொலை பற்றிய உண்மை இன்றுவரை தெளிவாகவில்லை.

நச்சுக் குப்பியோடு வாழும் விடுதலைப் புலிகள் எங்கே ? சாதாரண மக்களைச் சிறைப்பிடித்து பலவந்தமாகக் குற்றத்தை ஒப்புக்கொள்ளச் செய்வித்த செயல் எங்கனம் பொருத்தமாகும்.?

இந்திய நீதித்துறையும் இவ்விடயத்தில் மொனம் காக்கிறது. தங்களுடைய விடுதலைப் போராட்டத்திற்கு இது எவ்விதத்திலும் உதவமுடியாது என உணர்ந்தவர்கள் இதனை ஏன் செய்யவேண்டும்.

வ¥கரமும் இளமையும் மிக்க ஒரு தலைவரின் மறைவு ஏற்படுத்திய அனுதாப அலையின் வேகத்தால் காங்கிரஸ் கட்சியே அதிக லாபம் பெற்று தேர்தலில் வெற்றி ஈட்டியது. தமிழ் நாடு காங்கிரஸங கட்சி ,மற்றும் பிரியங்கா காந்தி உட்பட யாவரும் உண்மையைப் பற்றி மௌனமாகவே உள்ளனர்.

இன்றைய நிலையில் இந்தியா,இலங்கைக்கு ஆயுதம் வழங்குவதை நிறுத்துவதோடு நிற்காது சமஸ்டி அரசு என்னும் கோட்பாட்டையும் மறந்து விட வேணடும்.

இந்திய மாநிலங்களில் பிராந்திய ரீதியிலான கட்சிகளின் செல்வாக்கு பெருகி வருகிறது. "ஈழம் " என்னும் கோட்பாடு இன்று பூதாகாரமாக வெடிப்பதற்குக் காரணம் சமஸ்டி அமைப்புக்குப் பதிலாக,தமிழ் மக்களுக்கு மனித உரிமைகளை மறுக்கும், இராணுவ பலத்தால் அவர்கள் மீது திணிக்கும் சிங்கள அரசின் ஒற்றையாட்சிக் கொள்கையே எனலாம்.

இந்தியா பெரிய தேசம். இத்தகைய எழுச்சிகளை அது இராணுவத்தின் மூலம் அடக்கலாம். ஆனால் மனித உரிமை, ஒரு இனத்தின் பெருமை ,அதன் தனித்துவம் ஆகியன நாட்டின் நலத்திலும் பார்க்க முக்கியமானவை என்பது உணரப்படாவிடில் சோவியத் யுனியன், யுகோஸ்லாவியா, இலங்கை போன்ற தேசங்களுக்கு நேர்ந்தது மாதிரி இந்தியாவும் உடைந்து விடும் என்பது கண்கூடு.

௯.தமிழர்கள் ஏன் நசுக்கபடுகிறார்கள் ?

இன ஒற்றுமை என்ற கோவணம் (ஆயுதம்) கூட அவனிடம் இல்லை!!!!.தமிழ் தெரிந்த போலிகள் இனத்தை கூறுப்போட்டு வயிற்றை வளர்கிறார்கள் .இதை சாபம் என்று தூபம் கூட போடுவார்கள் நன்றிகெட்ட நரிகள் .நமக்கு சாபம் ஏதும் இல்லை .இந்த நரிகளை வாழவைப்பதே நமது சாபம் .

இந்த இனத்தில் சமுக புரட்சிக்கு வழிஇல்லை ,இனி அறிவியல் கற்ப்போம் .பல புரட்சிகள்செய்வோம் .பல்லுயிர் காப்போம்.வாய்மைக்காக வெல்வோம் .இவ்வையகம் மீட்ப்போம்,,,,

சொற்பொருள்வகைப்பாட்டியல்(தமிழ்)

2009-03-26T11:07:00.008+03:00

சொற்பொருள்வகைப்பாட்டியல்

பலசொற்கள் ஓர் பொருள் என்று குழப்பாமல் நுண்ணறிந்து வகை செய்யும் இயல்.
சான்றாக,
௧.தூக்கம்,உறக்கம்,துயில்.
௨.ஆக்கம் , படைப்பு,உருவாக்குதல் .
௩.புறம் ,வெளி .
எனவே ஒவ்வொரு சொல்லாடளுக்கும் தனித்தனி பொருள்தான் இருக்கவேண்டும் .நாம் தரவுகளை தொகுத்து வகைபடுத்துவோம் .எதிர்வினை எதிர்பார்த்து ,,,,,,
-சோழன்

அனா :
அகம் /உள்-ஒரே பொருளை சுட்டுவது போல் இருந்தாலும் மிகச்சரியான பொருள் என்ன ?

ஆவன்னா :
ஆய்வு /ஆராய்ச்சி-ஒரே பொருளை சுட்டுவது போல் இருந்தாலும் மிகச்சரியான பொருள் என்ன ?

தமிழ் குடிமக்களே நீங்கள் பொருள் வழங்கி சிறப்பிக்கவும் .

குழலி பக்கங்கள்: மருத்துவர் இராமதாசுவின் மீதான சொல்லடிகள் - ஒரு அலசல் - 1

2009-03-25T19:39:00.000+03:00

குழலி பக்கங்கள்: மருத்துவர் இராமதாசுவின் மீதான சொல்லடிகள் - ஒரு அலசல் - 1

ராமதாசுக்கு பொன்னாடை போர்த்தி வரவேற்றார் ஜெ.

2009-03-25T18:47:00.000+03:00

சென்னையை அடுத்த வானகரத்தில் நடைபெற்ற பாமக பொதுக்குழுவில் அதிமுக கூட்டணியில் சேருவது என்று தீர்மானம் நிறைவேற்றப்பட்டது.

இதைதொடர்ந்து பாமக நிறுவன தலைவர் டாக்டர் ராமதாஸ் போயஸ் காடனுக்கு வந்தார். அவருடன் பாமக மாநில தலைவர் ஜி.கே.மணி, டாக்டர் அன்புமணி ராமதாஸ், வேலு, காடுவெட்டி குரு ஆகியோர் உடன் வந்தனர்.

டாக்டர் ராமதாசுக்கு, அ।தி.மு.க. பொதுச்செயலாளர் ஜெயலலிதா பொன்னாடை போர்த்தி வரவேற்றார். இதன் பின்பு ஜெயலலிதாவும், டாக்டர் ராமதாசும் தனியாக சந்தித்து தொகுதி பங்கீடு குறித்து சுமார் 1 மணி நேரம் ஆலோசனை நடத்தினார்கள்

நன்றி:24/7 நியூஸ்